श्लोक ९ वा
पौर्वापर्यमतोऽमीषां, प्रसङस्त्रयानमभीप्सताम् ।
यथा विविक्तं यद्वक्रं, गृह्णिमो युक्तिसम्भवात् ॥९॥
म्यां सांगितली तैशी जाण । तत्त्वसंख्या अधिकन्यून ।
व्हावया हेंचि कारण । वक्त्याची ज्ञानविवक्षा ॥८८॥
जैसें ज्यासी असे ज्ञान । जैसा ईप्सित मताभिमान ।
तैसतैसें तत्त्वव्याख्यान । ऋषीश्वर जाण बोलती ॥८९॥
जो बोले ज्या मतयुक्ती । तें तें घडे त्या मतसंमतीं ।
हें मी जाणें सर्वज्ञ श्रीपती । यालागीं त्या युक्ती मीही मानीं ॥९०॥;
जें बोलिले ऋषिजन । सव्वीस तत्त्वें विवंचून ।
उद्धवा तुज मी सांगेन । सावधान अवधारीं ॥९१॥