Get it on Google Play
Download on the App Store

तीन मुले 144

त्याच्याजवळ मधुरीची गोधडी होती; ती त्याने अंगाभोवती घेतली. गार वारा होता. ती गोधडी पांघरून तो बसला. रात्र संपून उजाडले. दूर कोठे गलबत दिसते का तो पहात होता. एक गलबत दिसले. परंतु ते फार लांब होते त्या गलबताजवळ आपण कसे पोचणार? चालली होती नाव. मारीत होता वल्हे. लावीत होता शीड. आशातंतूवर तो जगत होता. मधुरीची मूर्ती डोळयांसमोर आणीत होता. ते गलबत दिसेनासे झाले. आशा अस्तास गेली. कोठे नाव घेऊन जात होता, तो त्याला दूर जमीन दिसली. त्याने नाव तिकडे चालविली. नाव चालवून थके. मग झोपे. स्वत:ला समुद्राच्या लाटांच्या व वा-यांच्या स्वाधीन करून ती मधुरीने दिलेली गोधडी पांघरून झोपी जाई. जणू त्याला सागरमाता सांभाळीत होती. तो सृष्टीचा बालक झाला होता. असे दिवस चालले होते.

शेवटी एकदाची मंगाची नाव एका किना-याला आली. त्याने नाव किना-याला ओढून आणली. तेथे लोक होते. इतर नावा होत्या. त्याच्याकडे सारे पहात होते. त्याने दागिने एका पेटीत ठेविले होते. सामान काढून तो तेथे उभा राहिला. लोक त्याच्याभोवती होते. इतर नावा होत्या. परंतु त्यांना त्याची भाषा कळेना व त्याला त्या लोकांची भाषा कळेना. इतक्यात एक मनुष्य तेथे आला. तो खलाशी होता. अनेक देशांच्या भाषा त्याला येत होत्या. मंगाजवळ तो बोलू लागला.
‘त्या का गलबतावरील तुम्ही? ते तर बुडाले म्हणून ऐकले.’

‘मी वाचलो. एके ठिकाणच्या लोकांनी ही लहान नाव दिली.
तिच्यात बसून निघालो. परंतु या नावेने दूर सुखरूप कसा जाणार?’

‘तुम्ही येथे राहा. थोडया दिवसांनी एक गलबत येथे येणार आहे. कदाचित ते तुमच्या देशालाच जाईल असे वाटते.’
‘तोपर्यंत मी येथे तुमच्यात राहीन.’
‘राहा.’

आणि मंगा त्या गावी राहू लागला. तो तेथे एका खानावळीत जेवायला येई. गावच्या लोकांना गोष्टी सांगे. तेथे काम करू लागला. राहू लागला. बरेच दिवस झाले. गलबत आले नाही. रोज तो येई. समुद्राकडे पाही. काही दूर दिसते का पाही. निराशेने परत येई. गावातील भाषा त्याला समजू लागली. त्याची करूण कहाणी ऐकून लोकांना वाईट वाटे. स्त्री-पुरुष रडत. लहान मुले पाहिली की त्याला घरची आठवण होई. तो लहान मुले जमवी व त्यांना खाऊ वाटी.

पुढे आले एकदा गलबत आणि ते मंगाच्या देशावरून जाणारे होते. मंगाने त्यांना काही देण्याचे कबूल केले आणि तो त्या गलबतावर चढला. गावचे लोक त्याला निरोप द्यायला आले होते. मुले टाळया वाजवीत होती.

'रडका बाबा चालला.’ कोणी म्हणाले.
‘खाऊ वाटणारा चालला.’

‘जाऊ दे आपल्या घरी. जाऊ दे आपल्या मुलामाणसांत. म्हातारे म्हणाले आणि मंगा गेला. आपण मधुरीला आता भेटू. मुलांना भेटू. या आनंदात तो होता; परंतु ओळखतील का मला असे मनात येऊन तो हसे.’

तीन मुले

पांडुरंग सदाशिव साने
Chapters
तीन मुले 1 तीन मुले 2 तीन मुले 3 तीन मुले 4 तीन मुले 5 तीन मुले 6 तीन मुले 7 तीन मुले 8 तीन मुले 9 तीन मुले 10 तीन मुले 11 तीन मुले 12 तीन मुले 13 तीन मुले 14 तीन मुले 15 तीन मुले 16 तीन मुले 17 तीन मुले 18 तीन मुले 19 तीन मुले 20 तीन मुले 21 तीन मुले 22 तीन मुले 23 तीन मुले 24 तीन मुले 25 तीन मुले 26 तीन मुले 27 तीन मुले 28 तीन मुले 29 तीन मुले 30 तीन मुले 31 तीन मुले 32 तीन मुले 33 तीन मुले 34 तीन मुले 35 तीन मुले 36 तीन मुले 37 तीन मुले 38 तीन मुले 39 तीन मुले 40 तीन मुले 41 तीन मुले 42 तीन मुले 43 तीन मुले 44 तीन मुले 45 तीन मुले 46 तीन मुले 47 तीन मुले 48 तीन मुले 49 तीन मुले 50 तीन मुले 51 तीन मुले 52 तीन मुले 53 तीन मुले 54 तीन मुले 55 तीन मुले 56 तीन मुले 57 तीन मुले 58 तीन मुले 59 तीन मुले 60 तीन मुले 61 तीन मुले 62 तीन मुले 63 तीन मुले 64 तीन मुले 65 तीन मुले 66 तीन मुले 67 तीन मुले 68 तीन मुले 69 तीन मुले 70 तीन मुले 71 तीन मुले 72 तीन मुले 73 तीन मुले 74 तीन मुले 75 तीन मुले 76 तीन मुले 77 तीन मुले 78 तीन मुले 79 तीन मुले 80 तीन मुले 81 तीन मुले 82 तीन मुले 83 तीन मुले 84 तीन मुले 85 तीन मुले 86 तीन मुले 87 तीन मुले 88 तीन मुले 89 तीन मुले 90 तीन मुले 91 तीन मुले 92 तीन मुले 93 तीन मुले 94 तीन मुले 95 तीन मुले 96 तीन मुले 97 तीन मुले 98 तीन मुले 99 तीन मुले 100 तीन मुले 101 तीन मुले 102 तीन मुले 103 तीन मुले 104 तीन मुले 105 तीन मुले 106 तीन मुले 107 तीन मुले 108 तीन मुले 109 तीन मुले 110 तीन मुले 111 तीन मुले 112 तीन मुले 113 तीन मुले 114 तीन मुले 115 तीन मुले 116 तीन मुले 117 तीन मुले 118 तीन मुले 119 तीन मुले 120 तीन मुले 121 तीन मुले 122 तीन मुले 123 तीन मुले 124 तीन मुले 125 तीन मुले 126 तीन मुले 127 तीन मुले 128 तीन मुले 129 तीन मुले 130 तीन मुले 131 तीन मुले 132 तीन मुले 133 तीन मुले 134 तीन मुले 135 तीन मुले 136 तीन मुले 137 तीन मुले 138 तीन मुले 139 तीन मुले 140 तीन मुले 141 तीन मुले 142 तीन मुले 143 तीन मुले 144 तीन मुले 145 तीन मुले 146 तीन मुले 147 तीन मुले 148 तीन मुले 149 तीन मुले 150 तीन मुले 151 तीन मुले 152 तीन मुले 153 तीन मुले 154 तीन मुले 155 तीन मुले 156 तीन मुले 157 तीन मुले 158 तीन मुले 159 तीन मुले 160 तीन मुले 161 तीन मुले 162 तीन मुले 163