Get it on Google Play
Download on the App Store

संध्या 86

“कल्याण, हरिणी पास झाली तर नोकरी करणार आहे. मी अशी एखादी परीक्षा दिली असती तर ? परंतु मीं कोणतीच परीक्षा दिली नाहीं. संध्या निरुपयोगी आहे.”

“तूं प्रेमाची परीक्षा दिली आहेस. ती तर सर्वांत कठीण परीक्षा.”

“कल्याण, मी पुण्याला येऊन तिथूनच परत जाणार होतें. तुझ्याकडे येण्यांत खर्च होणारे पैसे विश्वासला झाले असते; परंतु आईजवळ आणखी मागितले पैसे.”

“आईला सारखी सतावूं नकोस.”

“आपल्या प्रेमाच्या माणसांनाच आपण सतावतों. वांसराच्या ढुशींनीं गाईला का त्रास होतो ?”

“तूं भलतंच बोलूं लागलीस !”

“तुझा गुण का माझ्यांत येऊं लागला ?”

दोघांनीं एकमेकांकडे पाहिलें. बोलणें थांबलें. संध्येचीं बोटें कल्याण पाहात होता.

“संध्ये !”

“काय ?”

“कांहीं नाहीं.”

“कांहीं तरी सांगणार होतास तूं. सांग. माझ्यापासून लपवून ठेवूं नकोस.”

“सुटलों म्हणजे आपण करूं हो लग्न. होऊं पतिपत्नी.”

“खरंच ?”

“हो, खरंच. परंतु वाटेल त्या स्थितींत राहावं लागेल.”

“मीं रे कधीं नाहीं म्हटलं ? तुझ्या संगतींत उपवासहि मला अमृतपान आहे हो, कल्याण. तुझ्या संगतींत मला सारं गोड आहे.
प्रिय आहे. कल्याण जवळ असला म्हणजे सारं रमणीयच असेल; नाहीं का ?”

“विश्वासला ही गोष्ट सांग.”

“सांगेन. आणि तूं प्रकृतीला जप.”

“तूं फळं आणलीं आहेस. तुझ्या भेटीचं टॉनिकहि मिळालं आहे. आतां मी लौकर बरा होईन. संध्ये, आज तूं जेवलीस का ?”

“मला तुझी भूक होती. तुला पोटभर खातां यावं म्हणून दुसरं कांहीं मीं खाल्लं नव्हतं. आतां बाहेर गेल्यावर खाईन.”

“माझ्या हातचं तूं घे हें फळ. खा.”

संध्येनें तें खाल्लें. दोघें आनंदलीं. हातांत हात घेऊन बसलीं. वेळ संपली. कल्याण व संध्या उठलीं. दोघांचे हात एकमेकांच्या
हातांत होते. ते त्यांनीं घट्ट धरले. दोघांचे डोळे भरून आले.

“जातें हं कल्याण. जप; बरा हो. संध्येसाठी तरी जप.”

“होय हो.”

संध्या मागें पाहात पाहात गेली. दरवाजा उघडला. पुन्हा बंद झाला. मनोमय कल्याणला बरोबर घेऊन संध्या बाहेर पडली. संध्या रडली, परंतु हंसली. कां हंसली ? कारण ती आनंदवार्ता घेऊन जात होती. कल्याणनें अभिवचन दिलें होतें. तिला नवजीवन मिळालें. तिचा हृद्रोग गेला. आणि इकडे कल्याणचें हृदयहि हलकें झालें. त्याच्या जीवनांतहि नवीन आशा, नवीन कर्तव्य यांचा उदय झाला. संध्या गेली. परंतु तिच्यासमोर भविष्य नाचूं लागलें. भविष्याची भीतिहि तिला वाटली. मी अशी बावळट, कसें होईल ? मी हरिणीसारखी शिकलेली असतें तर ? परंतु काय करणार ? असो. मी सर्वांची सेवा करीन, सर्वांना प्रेम देईन, त्रासलेल्यांना रिझवीन. संध्येचें हेंच काम. दिवसभर कष्ट करून, धांवपळ करून दमल्या भागलेल्या जगावर, त्रस्त संतप्त झालेल्या जगावर शांतीचे मंगल असे अमृतकुंभ भरभरून आणून सिंचणें हेंच संध्येचें पवित्र व गंभीर कर्तव्य !

संध्या

पांडुरंग सदाशिव साने
Chapters
संध्या 1 संध्या 2 संध्या 3 संध्या 4 संध्या 5 संध्या 6 संध्या 7 संध्या 8 संध्या 9 संध्या 10 संध्या 11 संध्या 12 संध्या 13 संध्या 14 संध्या 15 संध्या 16 संध्या 17 संध्या 18 संध्या 19 संध्या 20 संध्या 21 संध्या 22 संध्या 23 संध्या 24 संध्या 25 संध्या 26 संध्या 27 संध्या 28 संध्या 29 संध्या 30 संध्या 31 संध्या 32 संध्या 33 संध्या 34 संध्या 35 संध्या 36 संध्या 37 संध्या 38 संध्या 39 संध्या 40 संध्या 41 संध्या 42 संध्या 43 संध्या 44 संध्या 45 संध्या 46 संध्या 47 संध्या 48 संध्या 49 संध्या 50 संध्या 51 संध्या 52 संध्या 53 संध्या 54 संध्या 55 संध्या 56 संध्या 57 संध्या 58 संध्या 59 संध्या 60 संध्या 61 संध्या 62 संध्या 63 संध्या 64 संध्या 65 संध्या 66 संध्या 67 संध्या 68 संध्या 69 संध्या 70 संध्या 71 संध्या 72 संध्या 73 संध्या 74 संध्या 75 संध्या 76 संध्या 77 संध्या 78 संध्या 79 संध्या 80 संध्या 81 संध्या 82 संध्या 83 संध्या 84 संध्या 85 संध्या 86 संध्या 87 संध्या 88 संध्या 89 संध्या 90 संध्या 91 संध्या 92 संध्या 93 संध्या 94 संध्या 95 संध्या 96 संध्या 97 संध्या 98 संध्या 99 संध्या 100 संध्या 101 संध्या 102 संध्या 103 संध्या 104 संध्या 105 संध्या 106 संध्या 107 संध्या 108 संध्या 109 संध्या 110 संध्या 111 संध्या 112 संध्या 113 संध्या 114 संध्या 115 संध्या 116 संध्या 117 संध्या 118 संध्या 119 संध्या 120 संध्या 121 संध्या 122 संध्या 123 संध्या 124 संध्या 125 संध्या 126 संध्या 127 संध्या 128 संध्या 129 संध्या 130 संध्या 131 संध्या 132 संध्या 133 संध्या 134 संध्या 135 संध्या 136 संध्या 137 संध्या 138 संध्या 139 संध्या 140 संध्या 141 संध्या 142 संध्या 143 संध्या 144 संध्या 145 संध्या 146 संध्या 147 संध्या 148 संध्या 149 संध्या 150 संध्या 151 संध्या 152 संध्या 153 संध्या 154 संध्या 155 संध्या 156 संध्या 157 संध्या 158 संध्या 159 संध्या 160 संध्या 161 संध्या 162 संध्या 163 संध्या 164 संध्या 165 संध्या 166 संध्या 167 संध्या 168 संध्या 169 संध्या 170 संध्या 171 संध्या 172 संध्या 173 संध्या 174 संध्या 175 संध्या 176 संध्या 177 संध्या 178 संध्या 179 संध्या 180