Get it on Google Play
Download on the App Store

श्याम 108

आम्ही खाली गेलो. गंगूने दिवा लागला. आम्ही दिव्याला नमस्कार केला. प्रकाशाहून जगात पूज्यतर असे दुसरे काय ? प्राचीन ऋषींनी एकाच वस्तूसाठी उत्कृष्टपणे प्रार्थना केली. व ती वस्तू म्हणजे प्रकाश.

गंगूने पुढीलप्रमाणे गोड गाणे म्हटले.

रे मना, ऐक सज्जना, भुलु नको पुन्हा, मुक्त होशील  ।
प्रभुनाम जरी घेशील  । । रे मना. ।।

तनुचा, रे नसे भरवसा, बुडबुडा जसा, तसा हा देह  ।
तिळमात्र नसे संदेह
राहती, जगाते जागी, शेतबाग बगी, राहता वाडा ।
पडशील स्मशानी उघडा  ।।

म्हणुनिया, विषय धरि दूर, हरे हुरहुर, भक्तिचा सूर, अंतरी घुमवी  ।
प्रभुपदी वृत्तिला रमवी  ।।

बोधास, करिति विरोधास, कामक्रोधांस, दूर त्या पळवी  ।
प्रभुपदी वृत्तिला रमवी  ।।

श्रीराम, सुखाचे धाम, भक्तिविश्राम, स्मरे हृदयात  ।
संपेल मोहमय रात्र  ।।

भवसिंधु, होई एक बिंदु, भेटे गोविंदु, सुखे तरशील
मोक्षाचे मळे पिकतील  ।। रे मना. ।।

गाणे संपल्यावर मी म्हटले, 'गंगू ! किती गोड आहे गाणे नाही ?'

गंगू म्हणाली, 'मी म्हटलेले तुला सारे आवडते.'

मी म्हटले, 'माझ्या रामाचे नाव ज्यात आहे ते मला सारे आवडते. मग ते रामाचे नाव गंगू उच्चारो की रंगू उच्चारो.'

"श्याम ! जेवायला चल.' जगन्नाथने हाक मारली.

मी एका रविवारी गंगूजवळ गोष्टी करीत बसलो होतो. ती मला उखाणे घालीत होती व त्या उखाण्यांची उत्तरे देता आली नाही की ती मला चिडवीक होती.

गंगूने विचारले, 'नाक आहे पण वास नाही असे कोण ?'

मी म्हटले, 'पडसे आलेला मनुष्य.'

गंगू म्हणाली, 'इश्श ! हे रे काय ? नीट उत्तर दे. नाही तर हरलो असे म्हण.'

मी म्हटले, 'हरलो बुवा आपण !'

गंगू म्हणाली, 'कप'

मी म्हटले, 'आता दुसरा सांग.'

गंगू म्हणाली, 'ऐक, कान आहेत पण ऐकू येत नाही; तर ते कोण ?'

मी म्हटले, 'गंगू.'

श्याम

पांडुरंग सदाशिव साने
Chapters
श्याम 1 श्याम 2 श्याम 3 श्याम 4 श्याम 5 श्याम 6 श्याम 7 श्याम 8 श्याम 9 श्याम 10 श्याम 11 श्याम 12 श्याम 13 श्याम 14 श्याम 15 श्याम 16 श्याम 17 श्याम 18 श्याम 19 श्याम 20 श्याम 21 श्याम 22 श्याम 23 श्याम 24 श्याम 25 श्याम 26 श्याम 27 श्याम 28 श्याम 29 श्याम 30 श्याम 31 श्याम 32 श्याम 33 श्याम 34 श्याम 35 श्याम 36 श्याम 38 श्याम 39 श्याम 40 श्याम 41 श्याम 42 श्याम 43 श्याम 44 श्याम 45 श्याम 46 श्याम 47 श्याम 48 श्याम 49 श्याम 50 श्याम 51 श्याम 52 श्याम 53 श्याम 54 श्याम 55 श्याम 56 श्याम 57 श्याम 58 श्याम 59 श्याम 60 श्याम 61 श्याम 62 श्याम 63 श्याम 64 श्याम 65 श्याम 66 श्याम 67 श्याम 68 श्याम 69 श्याम 70 श्याम 71 श्याम 72 श्याम 73 श्याम 74 श्याम 75 श्याम 76 श्याम 77 श्याम 78 श्याम 79 श्याम 80 श्याम 81 श्याम 82 श्याम 83 श्याम 84 श्याम 85 श्याम 86 श्याम 87 श्याम 88 श्याम 89 श्याम 90 श्याम 91 श्याम 92 श्याम 93 श्याम 94 श्याम 95 श्याम 96 श्याम 97 श्याम 98 श्याम 99 श्याम 100 श्याम 101 श्याम 102 श्याम 103 श्याम 104 श्याम 105 श्याम 106 श्याम 107 श्याम 108 श्याम 109 श्याम 110 श्याम 111 श्याम 112 श्याम 113 श्याम 114 श्याम 115 श्याम 116 श्याम 117 श्याम 118 श्याम 119 श्याम 120 श्याम 121 श्याम 122 श्याम 123 श्याम 124 श्याम 125 श्याम 126 श्याम 127 श्याम 128 श्याम 129 श्याम 130 श्याम 131 श्याम 132 श्याम 133 श्याम 134 श्याम 135 श्याम 136 श्याम 137 श्याम 138 श्याम 139 श्याम 140 श्याम 141 श्याम 142 श्याम 143 श्याम 144 श्याम 145 श्याम 146 श्याम 147 श्याम 148