Get it on Google Play
Download on the App Store

श्याम 12

अशा रीतीने बेमालूम खोटे झोपण्याची कला मी संपादन केली.

मामांच्या भीतीमुळे मला ते सारे करावे लागे. भीतीमुळे खोटेपणा वाढतो. अंधारात घाण राहते. अंधारात चोर, डास, जंतू राहतात. भीतीच्या अंधारात असत्याची उत्पत्ती होते. प्रेमाच्या प्रसन्न वातावरणात मोकळेपणा असतो. मुले खोटे बोलतात. कारण त्यांना भय वाटत असते. मुलांनी खरेपणाने वागावे असे वाटत असेल तर तुमच्याबद्दल त्यांना भीती वाटणार नाही असे करा.

एके दिवशी रात्री मामांबरोबर माधवराव आले होते. मामा आले होते म्हणून मी झोपलो होतो. माधवरावांचा आवाज ऐकून मला उठावेसे वाटत होते.

'श्याम निजला वाटते ?' माधवरावांनी विचारले.

'तो लवकरच झोपतो. मी घरी येण्यापूर्वी तो जेवतो व पडतो. लहान आहे अजून.' मामा म्हणाले.

'आता डोळे तर चांगले आहेत ना ?' माधवरावांनी विचारले.

'हो, मधून मधून औषध घालावे लागते.' मामा म्हणाले.

'श्याम वाचतो चांगले. कविता पुष्कळ पाठ केल्या आहेत त्याने. त्याला कविता फार आवडतात.' माधवराव म्हणाले.

'परंतु मी शिकवायला लागलो की, श्याम रडायला लागतो. शेवटी मी शिकविणे बंद करतो. मनात म्हणतो की. आहे येथे चार दिवस तो असू दे आनंदाने.' मामा म्हणाले.

'माझ्याजवळ मात्र हौसेने बसतो. प्रश्नांची उत्तरे देतो. गोड आहे श्याम. स्वत:च एखाद्या वेळेस गोष्ट रचून सांगतो.' माधवराव माझी स्तुती करीत होते.

माधवरावांचे शब्द ऐकून मला गुदगुल्या होत होत्या. स्वत:ची स्तुती कोणाला आवडत नाही ? एक संताला मात्र स्तवन हे विषसम वाटत असते. बाकी आपण सारे स्तुतिप्रिय आहोत. लहानपणी कोणी उत्तेजन दिले तर मुलांना केवढी धन्यता वाटत असते ? माधवरावांना उठून एकदम मिठी मारावी असे मला वाटत होते. परंतु माझे ढोंग बाहेर आले असते. मी तसाच पडून राहिलो. पांघरुणात गुदमरुन राहिलो.

श्याम

पांडुरंग सदाशिव साने
Chapters
श्याम 1 श्याम 2 श्याम 3 श्याम 4 श्याम 5 श्याम 6 श्याम 7 श्याम 8 श्याम 9 श्याम 10 श्याम 11 श्याम 12 श्याम 13 श्याम 14 श्याम 15 श्याम 16 श्याम 17 श्याम 18 श्याम 19 श्याम 20 श्याम 21 श्याम 22 श्याम 23 श्याम 24 श्याम 25 श्याम 26 श्याम 27 श्याम 28 श्याम 29 श्याम 30 श्याम 31 श्याम 32 श्याम 33 श्याम 34 श्याम 35 श्याम 36 श्याम 38 श्याम 39 श्याम 40 श्याम 41 श्याम 42 श्याम 43 श्याम 44 श्याम 45 श्याम 46 श्याम 47 श्याम 48 श्याम 49 श्याम 50 श्याम 51 श्याम 52 श्याम 53 श्याम 54 श्याम 55 श्याम 56 श्याम 57 श्याम 58 श्याम 59 श्याम 60 श्याम 61 श्याम 62 श्याम 63 श्याम 64 श्याम 65 श्याम 66 श्याम 67 श्याम 68 श्याम 69 श्याम 70 श्याम 71 श्याम 72 श्याम 73 श्याम 74 श्याम 75 श्याम 76 श्याम 77 श्याम 78 श्याम 79 श्याम 80 श्याम 81 श्याम 82 श्याम 83 श्याम 84 श्याम 85 श्याम 86 श्याम 87 श्याम 88 श्याम 89 श्याम 90 श्याम 91 श्याम 92 श्याम 93 श्याम 94 श्याम 95 श्याम 96 श्याम 97 श्याम 98 श्याम 99 श्याम 100 श्याम 101 श्याम 102 श्याम 103 श्याम 104 श्याम 105 श्याम 106 श्याम 107 श्याम 108 श्याम 109 श्याम 110 श्याम 111 श्याम 112 श्याम 113 श्याम 114 श्याम 115 श्याम 116 श्याम 117 श्याम 118 श्याम 119 श्याम 120 श्याम 121 श्याम 122 श्याम 123 श्याम 124 श्याम 125 श्याम 126 श्याम 127 श्याम 128 श्याम 129 श्याम 130 श्याम 131 श्याम 132 श्याम 133 श्याम 134 श्याम 135 श्याम 136 श्याम 137 श्याम 138 श्याम 139 श्याम 140 श्याम 141 श्याम 142 श्याम 143 श्याम 144 श्याम 145 श्याम 146 श्याम 147 श्याम 148