Get it on Google Play
Download on the App Store

सिंह, अस्वल आणि कोल्हा

एका अरण्यात एक सिंह व अस्वल दोन दिशांकडून धावत असता, दोघांनाही एकदम एका हरणाचे प्रेत दिसले. ते प्रेत कोणी घ्यायचे याबद्दल त्यांचा वाद होता होता दोघांमध्ये लढाई जुंपली. बराच वेळ लढून दोघेही घायाळ होऊन थकून जमिनीवर पडले. इतक्यात एक कोल्हा त्या वाटेने जात होता, त्याने त्या दोघांची ती अवस्था पाहून निर्भयपणे ते प्रेत तेथून उचलले व घेऊन गेला. ते दोघेही कोल्ह्यापेक्षा बलवान होते. परंतु भांडण करून शक्तीहीन झाल्यामुळे, ते त्याला अडवू शकले नाहीत. मग सिंह अस्वलाला म्हणाला, 'अरे, हा पहा आपल्या भांडणाचा परिणाम ! तो लबाड कोल्हा आमच्या डोळ्यादेखत ती शिकार घेऊन चालला आहे, पण आम्ही आपपासात भांडून इतके दुर्बल होऊन बसलो आहोत की, त्याला अडविण्याची ताकदही आपल्या अंगी राहिली नाही.'

तात्पर्य

- एखाद्या वस्तूच्या मालकीसंबंधी तंटा उपस्थित झाला असता शक्यतो तो तडजोडीने मिटविण्याची व्यवस्था व्हावी हा उत्तम मार्ग; नाही तर 'नाही तुला, नाही मला, घाल कुत्र्याला !' अशी स्थिती होते.

इसापनीती कथा २५१ ते ३००

इसाप
Chapters
रानटी व गावठी हंस आजारी गाढवी व भुकेले लांडगे जीभ कोल्हा आणि लांडगा पावसाचा थेंब कस्तुरी मृग कोल्हा आणि काटेझाड कुत्रा व बोकड माणूस व सिंह कानस व साप दोन उंदीर कैदी झालेला लांडगा लांडगा आणि गाढव लांडगा आणि सिंह कोंबडी आणि साळुंकी वानर आणि सुतार करडू आणि लांडगा खेचर कुत्रा आणि कोंबडी लांडगे आणि बोकड माणूस आणि मुंगूस म्हातारा कुत्रा म्हातारा आणि त्याचे मुलगे मुंगी आणि माशी पशू, पक्षी आणि वटवाघूळ साप आणि माणूस साळू आणि लांडगा ससा आणि कासव ससे आणि बेडूक साळुंकी आणि इतर पक्षी सिंह आणि रानडुक्कर सिंह आणि हरिण वानर व अग्नी काळा माणूस उंट व त्याचा मालक उंट आणि माकड उंदीर आणि बोका टोळ आणि गाढव सिंह व त्याचे तीन प्रधान सिंह, गाढव आणि कोल्हा सिंह, अस्वल आणि कोल्हा शेतकरी आणि चिमण्या मुलगा आणि नाकतोडा मोठे मासे व लहान मासे मोर आणि कावळा म्हातारी आणि तिची मेंढी लावी पक्षीण व तिची पिले कुत्रा आणि त्याचा मालक कोंबडी आणि कोल्हा