Get it on Google Play
Download on the App Store

माणूस व सिंह


एक माणूस अरण्यात फिरत असता, तेथे त्याची एका सिंहाशी भेट झाली. त्या वेळी त्या दोघांनी निरनिराळ्या विषयांवर बर्‍याच गप्पा केल्या व त्यामुळे ते दोघे एकमेकास आवडू लागले.
शेवटी मात्र ते 'माणूस श्रेष्ठ की सिंह श्रेष्ठ' या विषयावर बोलू लागले व त्याचे वादात रूपांतर झाले. ते दोघेही भांडू लागले. नुसत्या बोलण्याने माणसाचे श्रेष्ठत्व त्या माणसास सिद्ध करता येईना तेव्हा त्याने आपल्याजवळ असलेले शिल्प त्यास दाखविले. सिंहाचे आयाळ हाती धरून त्याच्या पाठीवर एक माणूस आहे असे ते शिल्प होते.
ते पाहून सिंह त्याला म्हणाला, 'ज्यानं हे शिल्प तयार केलं तो मनुष्य होता, तोच जर सिंह असता तर माणसाच्या छातीवर बसून सिंह त्याला मारतो आहे असं त्यानं दाखविलं असतं.'
तात्पर्य
- प्रत्येकजण वाद घालताना स्वतःला अनुकूल असतील अशीच प्रमाणे पुढे मांडतो. दुसर्‍या बाजूची प्रमाणे समजून घेण्याचा प्रयत्‍न करीत नाही.

इसापनीती कथा २५१ ते ३००

इसाप
Chapters
रानटी व गावठी हंस आजारी गाढवी व भुकेले लांडगे जीभ कोल्हा आणि लांडगा पावसाचा थेंब कस्तुरी मृग कोल्हा आणि काटेझाड कुत्रा व बोकड माणूस व सिंह कानस व साप दोन उंदीर कैदी झालेला लांडगा लांडगा आणि गाढव लांडगा आणि सिंह कोंबडी आणि साळुंकी वानर आणि सुतार करडू आणि लांडगा खेचर कुत्रा आणि कोंबडी लांडगे आणि बोकड माणूस आणि मुंगूस म्हातारा कुत्रा म्हातारा आणि त्याचे मुलगे मुंगी आणि माशी पशू, पक्षी आणि वटवाघूळ साप आणि माणूस साळू आणि लांडगा ससा आणि कासव ससे आणि बेडूक साळुंकी आणि इतर पक्षी सिंह आणि रानडुक्कर सिंह आणि हरिण वानर व अग्नी काळा माणूस उंट व त्याचा मालक उंट आणि माकड उंदीर आणि बोका टोळ आणि गाढव सिंह व त्याचे तीन प्रधान सिंह, गाढव आणि कोल्हा सिंह, अस्वल आणि कोल्हा शेतकरी आणि चिमण्या मुलगा आणि नाकतोडा मोठे मासे व लहान मासे मोर आणि कावळा म्हातारी आणि तिची मेंढी लावी पक्षीण व तिची पिले कुत्रा आणि त्याचा मालक कोंबडी आणि कोल्हा