लावणी १४८ वी
काळोखी रात्र अंधारी, उभे कां द्वारीं ? । या मंदिरांत, येइल गस्तीची फेरी ॥धृ०॥
आज काय चुकलें सेवेला ? पदरीं घाला । तुम्ही दगलबाज, बेइमान कळुनी आला । संकेत मनाचा केला, भरोसा आपला । चोरूनिया जातां लावुन पदर मुखाला । आजवर प्रसंग राखिला, उभी सेवेला । कोणती सवत मिळाली तुमच्या सुखाला ? । चाल । भुललें मी चतुरपणा । साजणा । सांगा बाहेरच्या खुणा । साजणा घालिते गळ्याच्या आणा । साजणा । उभयतां प्रीत चालवा, बसा शेजारीं ॥१॥
तुम्ही दगलबाज, बेइमान राजीवनयना । मजविशीं कां हा कंटाळा घेतल्या पैना ? । मजपेक्षां मिळाली मैना सत्य जाणा । लागला छंद प्रीतीचा रंगरस सदना । तीनदां रुसतां मनमोहना, पलंगीं या ना । कुठवर समजाऊं ? चटक लागली प्राणा । चाल । चित्तांत येइल तें करा । साजणा । माझ्या कंठींचा हारा । साजणा । नाटकी तूं नट बावरा । साजणा । पसरितें पदर लाजुन, कुणाची चोरी ? ॥२॥
गुणी जना तूं गुणीजन राया प्राण विसाव्या । उभयतां दुष्ट कल्पना मनांत नसाव्या । इथल्या रांडा कळलाव्या आहेत ठाव्या । केल्या कर्मा शेवटास न्याव्या । रूपनादर तुमची जाया । येऊं द्या माया । पसरिते पदर, चला हे इष्क करूं या । चाल । आज पहा हो माझी मजा । साजणा । रात्रंदिवस गृहीं येत जा । सजणा । नाहीं आशा धनद्रव्याची, कुणाची चोरी ? ॥३॥
सांगते, राग सोडा हो, घरीं आज रहा हो । नाना परी दाविन मौजा, मला भोगा हो । मागणें हें मजला हो ह्रदयीं धरा हो । केल्या क्रिया शेवटास न्या हो । मज कृपादृष्टीनें पहा हो, लोभ करा हो । रात्रंदिवस करिते अर्जी पयन धरा हो । चाल । चुकी घडली मजकून । साजणा । सांगा हो माझ्या प्राणा । साजणा । आज मनास मिळले साजणा । नाना परी उडवी मौजा करू बेभारी । रामा गाई छंद बंद अधिकारी ॥४॥
आज काय चुकलें सेवेला ? पदरीं घाला । तुम्ही दगलबाज, बेइमान कळुनी आला । संकेत मनाचा केला, भरोसा आपला । चोरूनिया जातां लावुन पदर मुखाला । आजवर प्रसंग राखिला, उभी सेवेला । कोणती सवत मिळाली तुमच्या सुखाला ? । चाल । भुललें मी चतुरपणा । साजणा । सांगा बाहेरच्या खुणा । साजणा घालिते गळ्याच्या आणा । साजणा । उभयतां प्रीत चालवा, बसा शेजारीं ॥१॥
तुम्ही दगलबाज, बेइमान राजीवनयना । मजविशीं कां हा कंटाळा घेतल्या पैना ? । मजपेक्षां मिळाली मैना सत्य जाणा । लागला छंद प्रीतीचा रंगरस सदना । तीनदां रुसतां मनमोहना, पलंगीं या ना । कुठवर समजाऊं ? चटक लागली प्राणा । चाल । चित्तांत येइल तें करा । साजणा । माझ्या कंठींचा हारा । साजणा । नाटकी तूं नट बावरा । साजणा । पसरितें पदर लाजुन, कुणाची चोरी ? ॥२॥
गुणी जना तूं गुणीजन राया प्राण विसाव्या । उभयतां दुष्ट कल्पना मनांत नसाव्या । इथल्या रांडा कळलाव्या आहेत ठाव्या । केल्या कर्मा शेवटास न्याव्या । रूपनादर तुमची जाया । येऊं द्या माया । पसरिते पदर, चला हे इष्क करूं या । चाल । आज पहा हो माझी मजा । साजणा । रात्रंदिवस गृहीं येत जा । सजणा । नाहीं आशा धनद्रव्याची, कुणाची चोरी ? ॥३॥
सांगते, राग सोडा हो, घरीं आज रहा हो । नाना परी दाविन मौजा, मला भोगा हो । मागणें हें मजला हो ह्रदयीं धरा हो । केल्या क्रिया शेवटास न्या हो । मज कृपादृष्टीनें पहा हो, लोभ करा हो । रात्रंदिवस करिते अर्जी पयन धरा हो । चाल । चुकी घडली मजकून । साजणा । सांगा हो माझ्या प्राणा । साजणा । आज मनास मिळले साजणा । नाना परी उडवी मौजा करू बेभारी । रामा गाई छंद बंद अधिकारी ॥४॥