लावणी १४६ वी
तुम्ही कल्पविकल्प सोडा सोडा हो रावजी सोडा सोडा हो । घ्या प्रेमसुखाचा विडा ॥धृ०॥
सत्रावी नागवेल पान आणली । देठ लल्पना शिरा काढली । चित्तचेतन हा चुना शांती म्या केली । सुपारी विघ्नाची फोडली । भाव वेलदोडा दोडा हो । झणिं म्या पाठविला विडा ॥१॥
सात्त्विक कात निर्मळ, लाल केवळ । बोधभावाचे आणले जायफळ । अष्टपाकुळ कांदळ (?) । त्यामधें खेळे प्राणेश्वर नाभीकमळ । त्या स्थानीं मन जडा जडा हो ॥२॥
कुद (?) लवंग या तिखट । बहु निकट विवेकें धर धरले म्या बळकट । क्षमा केली प्रगट, घातली गांठ । तन्मय केलें म्या बळकट । ज्ञानाचा वर्ख दिला नीट । प्रीतीचा जोडा जोडा हो । झणिं म्यां पाठविला विडा ॥३॥
कवि सिदराम लहेरी कवीश्वर ज्ञानी । भेद विडयाचा गाइला त्यानीं । तुम्ही चतुरसभा चतुरगुणी । ऐका बसुनी, पिंडी प्रचेती पहा शोधुनी । सवाइ राघु फकरूचा जोडा जोडा । झणिं म्यां पाठविला विडा ॥४॥
सत्रावी नागवेल पान आणली । देठ लल्पना शिरा काढली । चित्तचेतन हा चुना शांती म्या केली । सुपारी विघ्नाची फोडली । भाव वेलदोडा दोडा हो । झणिं म्या पाठविला विडा ॥१॥
सात्त्विक कात निर्मळ, लाल केवळ । बोधभावाचे आणले जायफळ । अष्टपाकुळ कांदळ (?) । त्यामधें खेळे प्राणेश्वर नाभीकमळ । त्या स्थानीं मन जडा जडा हो ॥२॥
कुद (?) लवंग या तिखट । बहु निकट विवेकें धर धरले म्या बळकट । क्षमा केली प्रगट, घातली गांठ । तन्मय केलें म्या बळकट । ज्ञानाचा वर्ख दिला नीट । प्रीतीचा जोडा जोडा हो । झणिं म्यां पाठविला विडा ॥३॥
कवि सिदराम लहेरी कवीश्वर ज्ञानी । भेद विडयाचा गाइला त्यानीं । तुम्ही चतुरसभा चतुरगुणी । ऐका बसुनी, पिंडी प्रचेती पहा शोधुनी । सवाइ राघु फकरूचा जोडा जोडा । झणिं म्यां पाठविला विडा ॥४॥