लावणी १४७ वी
लक्ष्मी फाकडी भली छबली बनली ग । बर्या ग तुझ्या गायनकलेच्या चाली ॥धृ०॥
वय वर्षे उमर पंधराची नवतीमधिं पुरी । जसा लोट द्रव्याच्या लहरी । खुब पाकसुरत अनिवार ऐन्यामधिं खरी । भली ग नारी मूर्त तुझी गोजिरी । तुझी चाल पाहुन अंबिरी । पडलों भरी ग लुटपुट केलें त्वा नारी । कैकांच्या ह्रदयीं चुटका लावलास भली ॥१॥
पैठणी साडी नेसोनी झोक लावुनी । भला ग जरीपदर रुळतो धरणीं । किनखापी चोळी कसुनी । कुचाग्रें दोन्ही ग, जसे गेंद भाल्याची अणी । अंगावर कुल येरयान जरा न्हाउनी (?) । जडाव मोती हिरकणी । ओठ पवळी वेलीच्या परी बत्तीशी रंगली ॥२॥
पिशवाज जरीचा शेला अंगावर घेशी । तमाशांत उभी राहसी । जसी इंद्राची रंभा नार तूं होशी । सुरतालबंदी खुब धरशी । असे कैक पहायासी तुला येती नारी हौशी । मजलस खुष तूं करशी । चौगर्दा लालीलाल गादी त्वा केली ॥३॥
ह्या ठाण्या शहराचे लोक अंबीर भले । तुझे ख्याल तमाशे केले । इंग्रजी रुपयांचे तोडे तुला दिले । दैवाचे लाल रंगीले । कवि सिदराम लहरीचे ख्याल रसीले । ऐकून कवि छेक झाले । तुरा कलगीवर शिरताजे तुझा एहिवाली (?) ॥४॥
वय वर्षे उमर पंधराची नवतीमधिं पुरी । जसा लोट द्रव्याच्या लहरी । खुब पाकसुरत अनिवार ऐन्यामधिं खरी । भली ग नारी मूर्त तुझी गोजिरी । तुझी चाल पाहुन अंबिरी । पडलों भरी ग लुटपुट केलें त्वा नारी । कैकांच्या ह्रदयीं चुटका लावलास भली ॥१॥
पैठणी साडी नेसोनी झोक लावुनी । भला ग जरीपदर रुळतो धरणीं । किनखापी चोळी कसुनी । कुचाग्रें दोन्ही ग, जसे गेंद भाल्याची अणी । अंगावर कुल येरयान जरा न्हाउनी (?) । जडाव मोती हिरकणी । ओठ पवळी वेलीच्या परी बत्तीशी रंगली ॥२॥
पिशवाज जरीचा शेला अंगावर घेशी । तमाशांत उभी राहसी । जसी इंद्राची रंभा नार तूं होशी । सुरतालबंदी खुब धरशी । असे कैक पहायासी तुला येती नारी हौशी । मजलस खुष तूं करशी । चौगर्दा लालीलाल गादी त्वा केली ॥३॥
ह्या ठाण्या शहराचे लोक अंबीर भले । तुझे ख्याल तमाशे केले । इंग्रजी रुपयांचे तोडे तुला दिले । दैवाचे लाल रंगीले । कवि सिदराम लहरीचे ख्याल रसीले । ऐकून कवि छेक झाले । तुरा कलगीवर शिरताजे तुझा एहिवाली (?) ॥४॥