இல்வாழ்க்கை
←அண்டை வீட்டுக்காரர்
குடும்பப் பழமொழிகள் ஆசிரியர் தியாகி ப. ராமசாமிஇல்வாழ்க்கை
குழந்தைகள்→
439226குடும்பப் பழமொழிகள் — இல்வாழ்க்கைதியாகி ப. ராமசாமி
இல்வாழ்க்கை
பழைய வீட்டைச் சீர்ப்படுத்து, பழைய மனைவியைப் போற்று. -இந்தியா
வீட்டுக் குப்பையை வீட்டிலேயே அள. -( ,, )
ஏழு திரைகளைத் தாண்டியும் வேலைக்காரியின் குறையைக் கண்டு விடுவாய்; யசமானி அம்மாளின் குறை ஒரே திரையில் மறைந்து விடும். -( ,, )
கட்டிலிலே கணவனும் மனைவியும், வெளியிலே அவர்கள் விருந்தினர்கள். -சீனா
கணவன் மனைவி சண்டை ஓர் இரவோடு சரி. -( ,, )
இல்வாழ்வு முற்றுகைக்கு உட்பட்ட கோட்டை போன்றது; வெளியே யிருப்பவர்கள் உள்ளே செல்ல விரும்புகின்றனர், உள்ளே யிருப்பவர்கள் வெளியேற விரும்புகின்றனர். -அரேபியா
ஒரே வீட்டில் இரண்டு சக்களத்திகள் இருப்பதைவிட
இரண்டு பெண் புலிகள் இருப்பது நலம். -பாரசீகம்
கணவன் கரண்டியால் சேகரித்து வருவதை, நீ மண்
வெட்டியால் வெளியே வாரி வாரி இறைக்க வேண்டாம்.
- இங்கிலாந்து
பெண் இல்லை யென்றால், வீடில்லை. - பல்கேரியா
நீ வெளியில் எங்கே சுற்றினாலும், இன்பமயமான உன் வீட்டுக்கு வந்துவிடு. -( ,, )
உன் வீடு-உனது ராஜ்யம். -( ,, ) அழகான மனைவியும் அருமையான பழைய மதுவும் இருந்தால், நண்பர்கள் பலர் வருவார்கள். -பல்கேரியா
பெண் இல்லாத வீடு வாளியில்லாத கிணறு. -( ,, )
திருமணப் பெண்ணுக்கு இசையும் அழகும்; விவாகமான பின் பசியும் தாகமும். - எஸ்டோனியா தொடக்கத்தில் இருவரும் ஒரே சட்டைக்குள் ஒண்டியிருக்க முடிந்தது; பின்னால் அவர்கள் ஒரே குடிசையில் சேர்ந்திருக்க முடியவில்லை. -( ,, )
வீட்டுக்குத் தேவையானவை நான்கு: தானியம், சேவல், பூனை, மனைவி. - இதாலி
கணவன் குடித்தால் பாதி வீடு எரியும், மனைவியும் குடித்தால் முழு வீடும் எரியும். -ரஷ்யா
தன் வீட்டுக்கு வெளியிலே இன்பத்தை நாடுவோன் தனது நிழலையே துரத்திக் கொண்டு திரிகிறான். -( ,, )
உன் சொந்த வீட்டில் சுவர்கள் கூட உனக்கு உதவியாயிருக்கும். -( ,, )
என்னை என் குடும்பத்திலிருந்து காப்பாற்றுங்கள்; என்
எதிரிகளை நானே பார்த்துக் கொள்கிறேன். - செர்பியா
தரையை வைத்து வீடு கட்டப் பெறுவதில்லை, ஒரு
பெண்ணை வைத்தே கட்டப் பெறுகின்றது. -( ,, )
வீட்டில் கடிகாரமே யசமானரா யிருக்கவேண்டும்.
-சுவீடன்
வீட்டுத் தலைவன்மீது தான் வீட்டிலுள்ள எல்லோருடைய குப்பைகளும் கொட்டப்படும். - ஆப்பிரிகா பெண்தான் இல்லம். -( ,, )
பெண் பிள்ளை இரண்டு வார்த்தைகள் சொன்னால், ஒன்றை எடுத்துக் கொண்டு, மற்றதை விட்டுவிடு. -( ,, ) சந்தோஷமான குடும்பங்கள் எல்லாம் ஒரே மாதிரியாக
இருக்கின்றன; துக்ககரமான குடும்பம் ஒவ்வொன்றும்
வெவ்வேறு மாதிரியாக இருக்கின்றது. -டால்ஸ்டாய்
கடவுள் நமக்கு உறவினரைக் கொடுத்திருக்கிறார்; ஆனால் அன்பர்களை மட்டும் நாமே தேர்ந்தெடுத்துக் கொள்ள வேண்டும். -இங்கிலாந்து அவசியமான பொருள்கள் நிறைந்த ஒரு வீடு, நன்றாக
உழுத ஒரு சிறு நிலம், நல்ல சிந்தனையுள்ள சிறு - மனைவி மூன்றுமே இன்ப வாழ்வளிக்கும். -( ,, )
வெளியே கிடைக்கும் வெந்த இறைச்சியைக் காட்டினும்,
வீட்டிலே யிருக்கும் உலர்ந்த ரொட்டி மேல். -( ,, )
வீட்டில் மகிழ்ச்சியுடன் இருக்க வேண்டும் என்பதே எல்லா ஆசைகளின் முடிவான நோக்கம். -( ,, )
நான் என் தொப்பியை மாட்டும் இடமே என் வீடு. -( ,, )
இதயம் எங்கு தங்கியுளதோ அதுவே வீடு. -( ,, )
தன் குடும்பத்தை விட்டு ஓடுபவனுக்கு முடிவான இடம் இல்லை -லத்தீன்
நம் சொந்த வீடே மற்ற வீடுகளைவிட மேலானது. -( ,, )
என் வீட்டுக்கு நானே ராஜா. -ஸ்பெயின்
தன் வீட்டில் அமைதி யில்லாதவன் பூலோக நரகில் இருக்கிறான். - துருக்கி
வீடில்லாத மனிதன் கூடில்லாத பறவை. -ஃபிரான்ஸ்
சேவல் தன் குப்பை மேட்டிலிருந்தே கூவும். -( ,, )
வீட்டை விட்டு வெகு தூரத்திலிருப்பவன் அபாயத்திற்கு அருகிலிருக்கிறான். -ஹாலந்து