Get it on Google Play
Download on the App Store

कविता दिवाळीनंतरची

गोपाल खाडे
जि.प.विद्यालय कामरगांव ता.कारंजा लाड जि.वाशिम
 
रात्रभर पैशांचा चुराडा करीत
त्यांनी फोडलेल्या फटाक्यात
आम्ही शोधतो न फुटलेले फटाके
पुन्हा फोडण्याकरीता.....
क्वचित सापडतो एखादा
तेव्हा सिकंदराच्या अविर्भावात
हजारो फटाके फोडल्याचा आनंद
आमच्या चेहऱ्यावर पसरतो .....
आमची माय रडते ढसाढसा
पदराआडून केविलवाणी.....
पाण्यात भाकरी कालवून
वाढते आमच्यासमोर .....
शेजारच्या टोलेजंग वाड्यातून येणाऱ्या
शेव करंज्यांचा खमंग वास
आम्ही तोंडी लावतो भाकरीसोबत .....
त्याचवेळी आमचा संवेदनशून्य बाप
दारूत धुंद होऊन घरी येतो .....
सगळे सण दिवस रंगपंचमी मानून
दारूत तर्र होणे हा
त्याचा जन्मसिद्ध हक्क ......
याउलट माया मायचं मंगळसूत्र
दरवर्षी क्रमाक्रमानं घटतयं
अगदी तिच्या शरीराप्रमाणं...
अंधारात...
चाचपडत...
लेकरांसाठी...
प्रकाशासाठी...

आरंभ : दिवाळी अंक २०१८

संपादक
Chapters
वर्ष १, अंक ८ सर्व वाचकांना दिवाळीच्या खूप खूप शुभेच्छा!! संपादकीय आरंभ - मराठी ई साहित्यातील नवे पर्व! सर्वोच्च स्वागत एक पणती वंचितांसाठी उजळो दिवा चोहीकडे…! व्यंगचित्रे १ व्यंगचित्रे २ व्यंगचित्रे ३ उक्तीपेक्षा कृती श्रेष्ठ सुख आणि दु:ख समाज माध्यम आणि मी लक्ष्मीच्या पाऊलखुणा दिवाळी ओझे पुनर्जन्माचे फेअर अँड लव्हली कथा दिवाळीच्या अरोग्यमय दीपावली दीपावली कूटकथा: पलीकडचा मी औषधनिर्माणशास्त्र (फार्मसी) करिअरसाठी एक उत्तम पर्याय... भामटा माजघर (आगरी कविता) 'ती' अशक्त नाही शुभेच्छा एका चिमुकलीला भरत उपासनींच्या चारोळ्या पेपरवाला 'सण दिवाळी' कविता दिवाळीनंतरची मनातील कविता असेही काही क्षण येतील तेव्हा... बाप्पा जगताय का तुम्ही...? काय आहेस तू ! कविता नवा प्रवास