Android app on Google Play

 

गणपतिस्तवः ।

 

श्रीगणेशाय नमः ॥ ऋषिरुवाच ॥

अजं निर्विकल्पं निराहारमेकं निरानन्दमानंदमद्वैतपूर्णम् ॥

परं निर्गुणं निर्विशेषं निरीहं परब्रह्मरूपं गणेशं भजेम् ॥१॥

गुणातीतमानं चिदानंदरूपं चिदाभासकं सर्वगं ज्ञानगम्यम् ॥

मुनिध्येयमाकाशरूपं परेशं परब्रह्मरूपं गणेश भजेम् ॥२॥

जगत्कारणं कारणज्ञानरूपं सुरादिं सुखादिं गुणेशं गणेशम् ॥

जगद्व्यापिनं विश्ववंद्यं सुरेशं परब्रह्मरूपं गणेशं भजेम् ॥३॥

रजोयोगतो ब्रह्मरूपं श्रुतिज्ञं सदा कार्यसक्तं ह्रदाऽचिंत्यरूपम् ॥

जगत्कारणं सर्वविद्यानिधानं परब्रह्मरूपं गणेशं नताः स्मः ॥४॥

सदा सत्ययोग्यं मुदा क्रीडमानं सुरारी न्हरंतं जगत्पालयंतम् ॥

अनेकावतारं निजज्ञानहारं सदा विश्वरूपं गणेशं नमामः ॥५॥

तपोयोगिनं रुद्ररूपं त्रिनेत्रं जगद्धारकं तारकं ज्ञानहेतुम् ॥

अनेकागमैः स्वं जनं बोधयंतं सदा सर्वरूपं गणेशं नमामः ॥६॥

नमः स्तोमहारं जनाज्ञानहारं त्रयीवेदसारं परब्रह्मसारम् ॥

मुनिज्ञानकारं विदूरे विकारं सदा ब्रह्मरूपं गणेशं नमामः ॥७॥

निजैरोषधीस्तर्पयंतं कराद्यैः सुरौघान्कलाभिः सुधास्त्राविणीभिः ॥

दिनेशांशुसंतापहारं द्विजेशं शशांकस्वरूप गणेशं नमामः ॥८॥

अनेकक्रियानेकशक्तिस्वरूपं सदा शक्तिरूपं गणेशं नमामः ॥९॥

प्रधानस्वरूपं महत्तत्वरूपं धराचारिरूपं दिगीशादिरूपम् ॥

असत्सत्स्वरूपं जगद्धेतुरूपं सदा विश्वरूपं गणेशं नताः स्मः ॥१०॥

त्वदीये मनः स्थापयेदंघ्रियुग्मे स नो विघ्नसंघातपीडां लभेत ॥

लसत्सूर्यबिम्बे विशाले स्थितोऽयं जनो ध्वांतपीडा कथं वा लभेत ॥११॥

वयं भ्रामिताः सर्थथाऽज्ञानयोगादलब्धास्तवांघ्रि बहून्वर्षपूगान् ॥

इदानीमवाप्तास्तवैव प्रसादात्प्रपन्नान्सदा पाहि विश्वम्भराद्य ॥१२॥

एवं स्तुतो गणेशस्तु संतुष्टोऽभून्महामुने ॥

कृपया परयोपेतोऽभिधातुमुपचक्रमे ॥१३॥

इति श्रीमद्‌गर्गमहर्षिप्रणीतो गणपतिस्तवः सम्पूर्णः ।

 

गणपती स्तोत्रे

स्तोत्रे
Chapters
श्री गणपतीत्यर्वशीर्ष
गणेशगायत्री
गणेशभुजंगम्
गणेशमन्त्रस्तोत्रम्
गणेशावतारस्तोत्रं
गणेशाष्टकम् व्यासरचितम्
गणेशन्यास:
गणेशकवचम्
गणेशमानसपूजा
गणेशबाह्यपुजा
गणेशमहिम्न: स्तोत्रम्
गणेशाष्टोत्तरशतनामस्तोत्रम्
संकष्टनाशनगणेशस्तोत्रम्
गणेशाष्टकम्
एकदंतस्तोत्रम्
महागणपतिस्तोत्रम्
श्री गणाधिपति पञ्चरत्न स्तोत्रम्
श्री विघ्नेश्वराष्टोत्तर शतनामस्तोत्रम्
विनायकस्तोत्र
श्री सिद्धिविनायक स्तोत्रम्
संकष्टहरणं गणेशाष्टकम्
गणपतिस्तवः ।
मयूरेश्वरस्तोत्रम्
गणेशभुजंगम्
श्री महागणेश पञ्चरत्नं
श्रीगणेशस्तोत्र
गणेश भजनावली
श्री सिद्धि विनायक नामावलि