Android app on Google Play

 

श्री गणाधिपति पञ्चरत्न स्तोत्रम्

 

ॐ सरागिलोकदुर्लभं विरागिलोकपूजितं सुरासुरैर्नमस्कृतं जरापमृत्युनाशकम् ।

गिरा गुरुं श्रिया हरिं जयन्ति यत्पदार्चकाः नमामि तं गणाधिपं कृपापयः पयोनिधिम् ॥ १ ॥

गिरीन्द्रजामुखाम्बुज प्रमोददान भास्करं करीन्द्रवक्त्रमानताघसङ्घवारणोद्यतम् ।

सरीसृपेश बद्धकुक्षिमाश्रयामि सन्ततं शरीरकान्ति निर्जिताब्जबन्धुबालसन्ततिम् ॥ २ ॥

शुकादिमौनिवन्दितं गकारवाच्यमक्षरं प्रकाममिष्टदायिनं सकामनम्रपङ्क्तये ।

चकासतं चतुर्भुजैः विकासिपद्मपूजितं प्रकाशितात्मतत्वकं नमाम्यहं गणाधिपम् ॥ ३ ॥

नराधिपत्वदायकं स्वरादिलोकनायकं ज्वरादिरोगवारकं निराकृतासुरव्रजम् ।

कराम्बुजोल्लसत्सृणिं विकारशून्यमानसैः हृदासदाविभावितं मुदा नमामि विघ्नपम् ॥ ४ ॥

श्रमापनोदनक्षमं समाहितान्तरात्मनां सुमादिभिः सदार्चितं क्षमानिधिं गणाधिपम् ।

रमाधवादिपूजितं यमान्तकात्मसम्भवं शमादिषड्गुणप्रदं नमामि तं विभूतये ॥ ५ ॥

गणाधिपस्य पञ्चकं नृणामभीष्टदायकं प्रणामपूर्वकं जनाः पठन्ति ये मुदायुताः ।

भवन्ति ते विदां पुरः प्रगीतवैभवाजवात् चिरायुषोऽधिकः श्रियस्सुसूनवो न संशयः ॥

ॐ ॥ ॥ इति दक्षिणाम्नाय श्रिङ्गेरी श्रीशारदापीठाधिपति शङ्कराचार्य जगद्गुरुवर्यो

श्री सच्चिदानन्द शिवाभिनव नृसिंहभारती महास्वामिभिः विरचितम्

श्री गणाधिपति पञ्चरत्न स्तोत्रम् सम्पूर्णम् ॥

 

गणपती स्तोत्रे

स्तोत्रे
Chapters
श्री गणपतीत्यर्वशीर्ष
गणेशगायत्री
गणेशभुजंगम्
गणेशमन्त्रस्तोत्रम्
गणेशावतारस्तोत्रं
गणेशाष्टकम् व्यासरचितम्
गणेशन्यास:
गणेशकवचम्
गणेशमानसपूजा
गणेशबाह्यपुजा
गणेशमहिम्न: स्तोत्रम्
गणेशाष्टोत्तरशतनामस्तोत्रम्
संकष्टनाशनगणेशस्तोत्रम्
गणेशाष्टकम्
एकदंतस्तोत्रम्
महागणपतिस्तोत्रम्
श्री गणाधिपति पञ्चरत्न स्तोत्रम्
श्री विघ्नेश्वराष्टोत्तर शतनामस्तोत्रम्
विनायकस्तोत्र
श्री सिद्धिविनायक स्तोत्रम्
संकष्टहरणं गणेशाष्टकम्
गणपतिस्तवः ।
मयूरेश्वरस्तोत्रम्
गणेशभुजंगम्
श्री महागणेश पञ्चरत्नं
श्रीगणेशस्तोत्र
गणेश भजनावली
श्री सिद्धि विनायक नामावलि