Android app on Google Play

 

गणेशभुजंगम्

 

रणत्क्षुद्रघण्टानिनादाभिरामं
चलत्ताण्डवोद्दण्डवत्पद्मतालम् ।
लसत्तुन्दिलाण्गोपरिव्यालहारं
गणाधीशमीशानसूनुं तमीडे ॥१॥

ध्वनिध्वंसवीणालयोल्लासिवक्त्रं
स्फुरच्छुण्डदण्डोल्लसद्बीजपूरम् ।
गलद्दर्पसौगन्ध्यलोलालिमालं
गणाधीशमीशानसूनुं तमीडे ॥२॥

प्रकाशज्जपारक्तरन्तप्रसून-
प्रवालप्रभातारुणज्योतिरेकम् ।
प्रलम्बोदरं वक्रतुण्डैकदन्तं
गणाधीशमीशानसूनुं तमीडे ॥३॥

विचित्रस्फुरद्रत्नमालाकिरीटं
किरीटोल्लसच्चन्द्ररेखाविभूषम् ।
विभूषैकभूशं भवध्वंसहेतुं
गणाधीशमीशानसूनुं तमीडे ॥४॥

उदJण्चद्भुजावल्लरीदृश्यमूलो-
च्चलद्भ्रूलताविभ्रमभ्राजदक्षम् ।
मरुत्सुन्दरीचामरैः सेव्यमानं
गणाधीशमीशानसूनुं तमीडे ॥५॥

स्फुरन्निष्ठुरालोलपिण्गाक्षितारं
कृपाकोमलोदारलीलावतारम् ।
कलाबिन्दुगं गीयते योगिवर्यै-
र्गणाधीशमीशानसूनुं तमीडे ॥६॥

यमेकाक्षरं निर्मलं निर्विकल्पं
गुणातीतमानन्दमाकारशून्यम् ।
परं पारमोंकारमान्मायगर्भं ।
वदन्ति प्रगल्भं पुराणं तमीडे ॥७॥

चिदानन्दसान्द्राय शान्ताय तुभ्यं
नमो विश्वकर्त्रे च हर्त्रे च तुभ्यम् ।
नमोऽनन्तलीलाय कैवल्यभासे
नमो विश्वबीज प्रसीदेशसूनो ॥८॥

इमं सुस्तवं प्रातरुत्थाय भक्त्या
पठेद्यस्तु मर्त्यो लभेत्सर्वकामान् ।
गणेशप्रसादेन सिध्यन्ति वाचो
गणेशे विभौ दुर्लभं किं प्रसन्ने ॥९॥

 

गणपती स्तोत्रे

स्तोत्रे
Chapters
श्री गणपतीत्यर्वशीर्ष
गणेशगायत्री
गणेशभुजंगम्
गणेशमन्त्रस्तोत्रम्
गणेशावतारस्तोत्रं
गणेशाष्टकम् व्यासरचितम्
गणेशन्यास:
गणेशकवचम्
गणेशमानसपूजा
गणेशबाह्यपुजा
गणेशमहिम्न: स्तोत्रम्
गणेशाष्टोत्तरशतनामस्तोत्रम्
संकष्टनाशनगणेशस्तोत्रम्
गणेशाष्टकम्
एकदंतस्तोत्रम्
महागणपतिस्तोत्रम्
श्री गणाधिपति पञ्चरत्न स्तोत्रम्
श्री विघ्नेश्वराष्टोत्तर शतनामस्तोत्रम्
विनायकस्तोत्र
श्री सिद्धिविनायक स्तोत्रम्
संकष्टहरणं गणेशाष्टकम्
गणपतिस्तवः ।
मयूरेश्वरस्तोत्रम्
गणेशभुजंगम्
श्री महागणेश पञ्चरत्नं
श्रीगणेशस्तोत्र
गणेश भजनावली
श्री सिद्धि विनायक नामावलि