Android app on Google Play

 

सल सलते मनात

 

सल सलते मनात

रणरणत्या उन्हात

पाऊले वळतात

दुःखी भूतकाळात


नको त्या आठवणी

रूक्ष भेटीच्या ठिकाणी

कृश मने केविलवाणी

क्रंदती विरह गाणी


उज्वल भविष्यात

आंतरिक होरपळतात

एकमेव निरव एकांतात

षष्प संवाद साधतात


भरकटलेल्या स्वप्नांची

गर्भगळीत मनांची

सांगड एकोप्याची

होळी भावविश्वाची


क्रमिक घटना

बुजलेल्या वेदना

परतीचा पाहुणा

भ्रमाच्या धारणा


मागमूस जगण्याची

वर्दळीत जाणीवांची

एक तिरीप प्रकाशाची

मांदियाळी दिवास्वप्नांची


भूषण वर्धेकर

28-09-2015

हडपसर

रात्रौ 9:55