Get it on Google Play
Download on the App Store

बहिरी ससाणा व कोंबडा

एका शेतकर्‍याचा एक कोंबडा होता. एकदा त्याला असे समजले की, आज आपला मालक आपल्याला मारून खाणार. तेव्हा तो आपण शेतकर्‍याच्या हाती सापडू नये म्हणून इकडे तिकडे लपून बसू लागला. त्याने आपल्या बरोबरीच्या कोंबड्यांच्या माना कापताना आपल्या मालकाला फार वेळा पाहिले होते तेव्हापासून त्याला भिती वाटत होती. त्याला जवळ बोलावून त्याची मान कापावी म्हणून शेतकर्‍याने बरेच प्रयत्‍न केले. पण कोंबडा आधीच सगळे जाणून असल्याने शेतकर्‍याच्या गोड बोलण्याला फसला नाही. जवळच एका पिंजर्‍यात त्या शेतकर्‍याने एक बहिरी ससाणा ठेवला होता. तोहा प्रकार पाहून त्या कोंबड्याला म्हणाला, 'अरे, तू किती मूर्ख व कृतघ्न आहेस ! आपल्या मालकाने मारलेली हाक ऐकून घेणं तुझं कर्तव्य आहे.' या बाबतीत माझं वागणं कसं आहे हे लक्षात घे. मला दुसरी हाक मारण्याची वेळ मालकाला येत नाही.' त्यावर तो कोंबडा म्हणाला, 'खरंच पण माझ्यासारखी तुझी मान कापून तुझ्या मांसाचे तुकडे तव्यावर भाजून खावे या कारणासाठी जर तुला जवळ बोलावलं तर तू माझ्यासारखाच लपून बसशील, याबद्दल मला अजिबात संशय वाटत नाही.'

तात्पर्य

- परिस्थितीप्रमाणे माणसाच्या वागणुकीत बदल होणे साहजिक आहे.

इसापनीती कथा १०१ ते १५०

इसाप
Chapters
मधमाशा आणि त्यांचा धनी लांडगा आणि बगळा कुत्रा आणि सिंह कोळी आणि चिमणी कोल्हा आणि साळू कोल्हा आणि कावळा कोल्हा आणि करकोचा गरुडपक्षीण आणि कोल्हीण गाढवाचे पोर आणि रानडुक्कर डोमकावळा देवाकडे राजा मागणारे बेडूक बोकड आणि बैल अविचारी शेतकरी शेतकरी आणि दैव Tउंदीर आणि बेडूक समुद्र किनार्‍यावरील प्रवासी पारवा आणि तसबीर लांडगा आणि कोकरू लांडगा आणि मेंढी कुत्रा आणि त्याचा मालक कोंबडा आणि रत्‍न किडा आणि खोकड खेकडा आणि त्याचे पोर कावळा आणि कबुतरे पायाला साखळी बांधलेला कावळा कबुतर आणि कावळा हंस आणि बगळा गिधाड आणि त्याचे पाहुणे गावठी गाढव आणि रानगाढव गरुड आणि घुबड गाढव व कुत्रा गाढव आणि बेडूक धीट कुत्रा धनगर आणि त्याच्या मेंढ्या देव आणि माकड दैव आणि मुलगा दैव आणि गावंढळ मनुष्य चिलट आणि सिंह बगळे आणि राजहंस बाभळ आणि सागवान अस्वल व कोल्हा बैल आणि बोकड बैल आणि चिलट चित्ता आणि कोल्हा दोघे वाटसरू व अस्वल उंदीर, कोंबडा व मांजर तरुण आणि त्याचे मांजर सिंह आणि तीन बैल शेतकरी व गरुड बहिरी ससाणा व कोंबडा ससा आणि कुत्रा सरदार व त्याचा घोडा समुद्र आणि नद्या साळू आणि साप मेंढ्या व कुत्रे माणूस व मुंगूस मांजरे व उंदीर