ते देशासाठी लढले ते अम...
ते देशासाठी लढले
ते अमर हुतात्मे झाले !
सोडिले सर्व घरदार
त्यागिला मधुर संसार
ज्योतीसम जीवन जगले
ते देशासाठी लढले !
तो तुरुंग, ते उपवास
ते साखळदंड तनूस
कुणि फासावरती चढले
ते देशासाठी लढले !
झगडली-झुंजली जनता
मग स्वतंत्र झाली माता
हिमशिखरी ध्वज फडफडले
ते देशासाठी लढले !
कितिकांनि दिले प्राणास
हा विसरु नका इतिहास....
पलित्याची ज्वाला झाले
ते देशासाठी लढले !
हा राष्ट्रध्वज साक्षीला
करु आपण वंदन याला
जयगीत गाउया अपुले
ते देशासाठी लढले !