Get it on Google Play
Download on the App Store

अरडी गं बाई परडी, परडी एवढं काय गं

अरडी गं बाई परडी, परडी एवढं काय गं
परडी एवढं फूल गं, दारी मूल कोण गं?

दारी मूल सासरा
सासर्‍याने काय आणलं ग बाई ?
सासर्‍यानं आणल्या पाटल्या
पाटल्या मी घेत नाही, सांगा मी येत नाही,
चारी दरवाजे लावा ग बाई, झिप्रं कुत्र सोडा ग बाई ॥१॥

अरडी गं बाई परडी, परडी एवढं काय गं
परडी एवढं फूल गं, दारी मूल कोण गं?

दारी मूल सासू
सासूने काय आणलंय गं?
सासुने आणले गोट
गोट मी घेत नाही, सांगा मी येत नाही,
चारी दरवाजे लावा ग बाई, झिप्रं कुत्र सोडा ग बाई ॥२॥

अरडी गं बाई परडी, परडी एवढं काय गं
परडी एवढं फूल गं, दारी मूल कोण गं?

दारी मूल दीर
दीरानं काय आणलं ग बाई ?
दीरानं आणल्या बांगड्या
बांगड्या मी घेत नाही, सांगा मी येत नाही,
चारी दरवाजे लावा ग बाई, झिप्रं कुत्र सोडा ग बाई ॥३॥

अरडी गं बाई परडी, परडी एवढं काय गं
परडी एवढं फूल गं, दारी मूल कोण गं?

दारी मूल जाऊबाई
जावेनं काय आणलं ग बाई ?
जावेनं आणली नथ
नथ मी घेत नाहीं, सांगा मी येत नाही,
चारी दरवाजे लावा ग बाई, झिप्रं कुत्र सोडा ग बाई ॥४॥

अरडी गं बाई परडी, परडी एवढं काय गं
परडी एवढं फूल गं, दारी मूल कोण गं?

दारी मूल नणंद
नणदेने काय आणलंय गं?
नणदेने आणल्या तोरड्या
तोरड्या मी घेत नाही, सांगा मी येत नाही
चारी दरवाजे लावा गं बाई, झिप्रं कुत्र सोडा ग बाई ॥५॥

अरडी गं बाई परडी, परडी एवढं काय गं
परडी एवढं फूल गं, दारी मूल कोण गं?

दारी मूल नवरा
नवर्‍याने काय आणलंय गं?
नवर्‍याने आणलं मंगळसूत्र
मंगळसूत्र मी घेते, सांगा मी येते
चारी दरवाजे उघडा गं बाई, उघडा गं बाई
झिपर्‍या कुत्र्याला बांधा गं बाई, बांधा गं बाई ॥६॥

भोंडला

सखी
Chapters
महाराष्ट्रातील जुन्या परंपरा आड बाई आडवणी, आडाचं पाणी काढवणी भोपळ्याच फुल बाई फुलरंजना माझ्या सुंद्रीचं लगीन भुलाबाई भुलाबाई सासरे कसे गं सासरे कसे? श्रीकांता कमलाकांता असं कसं झालं अडकित जाऊ खिडकीत जाउ खिडकीत काळी चंद्रकळा नेसु कशी? सासूबाई, सासूबाई मला आलं मूळ सोन्याचा करंडा बाई मोत्याचं झाकण आज कोण वार बाई।आज कोण वार? कृष्ण घालीतो लोळण, आली यशोदा धावून नणंदा भावजया दोघीजणी घरात नव्हतं तिसरं कोणी । अरडी गं बाई परडी, परडी एवढं काय गं ऊठ ऊठ मुली चल ग घरला अक्कण माती चिक्कण माती आणा माझ्या सासरचा वैद्य 'तुझ्या ग माहेरच्यांनी काय काय दिलं ? एक लिंबु झेलू बाई, दोन लिंबं झेलूं । आला चेंडू, गेला चेंडू, लाल चेंडू झुगारिला। शिवाजी आमुचा राजा ऐलमा पैलमा गणेश देवा । आधी नमुया श्री गणराया