Get it on Google Play
Download on the App Store

पसायदान

आता विश्वात्मकें देवें । येणे वाग्यज्ञें तोषावें ।
तोषोनिं मज द्यावे । पसायदान हें ॥

जें खळांची व्यंकटी सांडो । तया सत्कर्मी- रती वाढो ।
भूतां परस्परे पडो । मैत्र जिवाचें ॥

दुरितांचे तिमिर जावो । विश्व स्वधर्म सूर्यें पाहो ।
जो जे वांच्छिल तो तें लाहो । प्राणिजात ॥

वर्षत सकळ मंगळी । ईश्वरनिष्ठांची मांदियाळी ।
अनवरत भूमंडळी । भेटतु भूतां ॥

चलां कल्पतरूंचे आरव । चेतना चिंतामणींचें गाव ।
बोलते जे अर्णव । पीयूषाचे ॥

चंद्रमे जे अलांछन । मार्तंड जे तापहीन ।
ते सर्वांही सदा सज्जन । सोयरे होतु ॥

किंबहुना सर्व सुखी । पूर्ण होऊनि तिन्हीं लोकी ।
भजिजो आदिपुरुखी । अखंडित ॥

आणि ग्रंथोपजीविये । विशेषीं लोकीं इयें ।
दृष्टादृष्ट विजयें । होआवे जी ।

येथ ह्मणे श्री विश्वेशराओ । हा होईल दान पसावो ।
येणें वरें ज्ञानदेवो । सुखिया जाला ॥

संत ज्ञानेश्वर

स्तोत्रे
Chapters
अधिक देखणें तरी अरे अरे ज्ञाना झालासी अवघाचि संसार सुखाचा अवचिता परिमळू आजि सोनियाचा दिनु एक तत्त्व नाम दृढ धरीं काट्याच्या अणीवर वसले कान्होबा तुझी घोंगडी घनु वाजे घुणघुणा जाणीव नेणीव भगवंती जंववरी रे तंववरी तुज सगुण ह्मणों कीं तुझिये निडळीं दिन तैसी रजनी झाली गे देवाचिये द्वारीं उभा पडिलें दूरदेशीं पसायदान पैल तो गे काऊ पंढरपुरीचा निळा पांडुरंगकांती दिव्य तेज मी माझें मोहित राहिलें मोगरा फुलला (१) योगियां दुर्लभ तो म्यां रुणुझुणु रुणुझुणु रे रूप पाहतां लोचनीं रंगा येईं वो येईं विश्वाचे आर्त सगुण निर्गुण दोन्ही सगुणाची सेज निर्गुणाची समाधि साधन संजीवन हरि उच्‍चारणीं अनंत ॐ नमोजी आद्या