Get it on Google Play
Download on the App Store

परशुरामाचा पाळणा

जो जो जो जो रे सुखधामा । भक्तपूर्ण कामा ॥धृ॥

क्षत्रिय संहारी रणांगणी । उग्र स्वभाव करणी ।

भारी श्रमलासी खेळणी । उद्धरिता हे धरणी ।

धेनुद्विजांचे पाळणा । करिता अवतारणा ।

तुजला निजवीता पाळता । दीनावरि करी करुणा ॥१॥

देव अवतरले हृषीकेशी । भृगु ऋषीच्या वंशी ।

संगे घेऊनिया विधि हरिसी । रेणुकेचे कुशी ।

सागर सारुनिया वसविले । कोकण जन पाळिले ।

दुष्टा चरणाते दवडिले । यश हे प्रसिद्ध केले ॥२॥

स्वस्थानी जावे भार्गवा । अखंडित चिरंजीवा ।

योगमाया ते करि सेवा । परशुराम देवा ।

हालवी रेणुका पाळणा । गाई त्या सगुणा ।

सखया रामाच्या आभरणा । चुकवी जन्ममरणा ॥३॥