काकड आरती स्वामी श्रीगुरु...
काकड आरती स्वामी श्रीगुरुदत्ता ।
सदभावें ओवाळूं चिन्मयरुप अवधूता ॥ध्रु०॥
प्राणापान समान व्यान उदान मिलाले ।
सुषुम्णेचे मार्गें दर्शनासि पातले ॥१॥
सोऽहं शब्दध्वनि मिळोनि सर्वांनी केला ।
दशनादाचा घोष अखंडित चालिला ॥२॥
कुंडलिनीचा वेढा काढुनि काकडा केला ।
सत्रावीचें धृत घेउनी पूर्ण भिजवीला ॥३॥
सद्गुरु वाक्याचा चिन्मय प्रकाश पडला ।
निश्चय काकडा नेऊनि तेथें पेटविला ॥४॥
निरंजन ओवाळूं जातां तद्रूप झाला ।
सद्गुरुप्रसादें अहंभाव निमाला ॥५॥