चारोळीगाथा

चारोळीगाथा

चारोळीच्या विचाराने
ठणकतोय माथा,
डोक्यात फक्त एकाच विचार
चारोळीगाथा, चारोळीगाथा.

*************************************************

आस

क्षितिजापल्याड झेपावण्याची आस
स्वस्थ बसू देतच नाही,
मी रोज घेतो भरारी तरी
मन शांत होतच नाही.

*************************************************

प्रश्न

मंत्र्या- संत्र्यांच्या पार्ट्यात
मोठा असतो जश्न
कित्येक मंत्री येऊन गेले तरी
शेतकऱ्यांचा सुटला नाही प्रश्न.

*************************************************

हमी

सुशिक्षित बेकारांची
 इथे काही कमी नाही
M.B.A, M.C.A करूनही
नौकरीची हमी नाही.

*************************************************