Get it on Google Play
Download on the App Store

गणपतीची आरती

सुखकर्ता दुखहर्ता वार्ता विघ्नाची
नुरवी पूर्वी प्रेम कृपा जयाची
सर्वांगी सुंदर उटी शेंदुराची
कंठी झळके माळ मुक्ताफळांची
जय देव जय देव जय मंगलमुर्ती
दर्शनमात्रे मन कामना पुरती || ध्रुव ||

रत्नखचित फरा तुज गौरी कुमरा
चंदनाची उटी कुमकुम केशरा
हिरेजडीत मुकुट शोभतो बरा
रुणुझुणुती नुपुरे चरणी घागरिया
जय देव जय देव जय मंगलमुर्ती
दर्शनमात्रे मन कामना पुरती ||१||

लंबोदर पितांबर फणीवर बंधना
सरळ सोंड वक्रतुंड त्रिनयना
दास रामाचा वाट पाहे सदना
संकटी पावावे निर्वाणी रक्षावे सुरवरवंदना
जय देव जय देव जय मंगलमुर्ती
दर्शनमात्रे मन कामना पुरती ||२||