वासुदेव यायचा आता बंद झालाय

मित्रा, वासुदेव यायचा आता बंद झालाय

नात्या कोत्यांचा दुष्काळ पडलाय

भावनांच्या थडग्यात तो गाडला गेलाय

खरय मित्रा , वासुदेव यायचा आता बंद झालाय

तो प्रहर कधीच निघून गेलाय

दारे खिडक्या बंद ती सारी

काय करेल तो येऊनि प्रहरी ?

नाम हरीचे सारेच विसरले

नभी सूर्य अन चंद्र ते कसले ?

छनछन आवाज जो प्यारा

कुठे वेळ ऐकण्यास हे सारा ?

पैश्याचा जणू पाऊसच पडलाय

पण त्या पावसानेच वासुदेव जिवंत मेलाय

वासुदेव यायचा बंद झालाय मित्रा

वासुदेव यायचा बंद झालाय

कलियुगाचा खेळ चाललाय

वासुदेवाला मानवी कंसानेच वधलाय

सिद्धेश्वर विलास पाटणकर