Get it on Google Play
Download on the App Store

विलायती जाळा वस्त्रे

बहिष्कारिण्या परदेशी वसन भारतात ।
योजना विनायक योजी छात्रमंडळात ।
विलायती जाळा वस्त्रे, छात्र गर्जतात ।
लोक लक्तरे दास्याची फेकती मखांत,
पुण्यपत्तनात ॥१॥
सजविती फुलांनी गाडा मार्ग आक्रमाया ।
वाजतात वाद्ये नाना देश जागवाया ।
प्रेम जागता देशाचे लोकमानसात ।
लोक लक्तरे दास्याची फेकती मखांत,
पुण्यपत्तनात ॥२॥
देशमुक्ति साधाया हे यागकार्य आहे ।
त्याग याच यागासाठी देश मागताहे ।
भक्तिने विनायक सांगे राहुनी पुढयात ।
लोक लक्तरे दास्याची फेकती मखांत,
पुण्यपत्तनांत ॥३॥
हळू हळू स्वातंत्र्याची होत वाटचाल ।
भरे मार्ग, भरला गाडा वाहिला गुलाल ।
’त्याग भारतायस्वाहा’ मंत्र गात गात ।
लोक लक्तरे दास्याची फेकती मखांत,
पुण्यपत्तनांत ॥४॥
स्मशानात गेली यात्रा, वन्हि चेतवीला ।
घाबरे धुराने केले आंग्लशासनाला ।
भूमि तप्त झाली, ज्वाला पोचती नभात ।
लोक लक्तरे दास्याची फेकती मखांत,
पुण्यपत्तनात ॥५॥
देशभक्ति लोकांमध्ये चेतवीत होते ।
परांजपे, भालाकर्ते, टिळक आदि नेते ।
सांगती, रिपूला फेका सप्तसागरात ।
लोक लक्तरे दास्याची फेकती मखांत,
पुण्यपत्तनात ॥६॥
चिता होत इतिहासाचे पान एक साचे ।
येथुनी विनायक साही घाव पावकाचे ।
जन्म जाळण्याच्या बांधी तोरणा चितेत ।
लोक लक्तरे दास्याची फेकती मखांत,
पुण्यपत्तनात ॥७॥

जय मृत्युंजय

गोपाळ गोडसे
Chapters
तो वीर विनायक अमर तो काळ असा होता विनायक आला जन्माला उष्ण आसवे नेत्री जमली मूर्ति दुजी ती दंग आज तांडवांत घेइ लाडके घास निरोपाचा गुरुदेव टिळक त्या शिष्य विनायक विलायती जाळा वस्त्रे आव्हानाया रिघे विनायक एक देव एक देश झालासां उत्तीर्ण परीक्षा देशा अर्पण हे आत्मार्पण एकमुखाने करुनि हकारा अमर होय ती वंशलता तडितरुप योद्वा कडाडला ध्यान पाहुनी गोष्टीवरती सन्मित्रांनो, घ्या प्रणाम फेकला देह मी सागरी सोडा रक्तांत खेळणे दोन जन्म काळे पाणी दगड मोगरीमधे सापडे तेंचि हो संसाराचे सार त्या डब्यांत होती मृत्यूची छाया अंदमानला निघे चलान तात्या ! तूं इथे कसा ? अंदमानचा अनभिषिक्त नृप येसूवहिनी कविता खेळत होती चाफ्याचे फूल कांचन चमचमले भूमिची लावली धूळ भाळाला हिंदु राष्ट्रध्वज जातपात गुणकर्मे येती विजयाचा सण आला लेखण्या मोडा रोख सैनिकांचा फिरवा पाकिस्तान निर्माण कराल तर.....e देश दास्यांतुनी मुक्त झाला गांधीहत्या अभियोग अभियोगांतून सुटका पराक्रमाने पुन्हा सोडविल ! धर्मान्तर हें राष्ट्रान्तर नृप मीच भारताला राष्ट्रपतीपद राहो ज्याचे त्याला दैव देतें कर्म नेतें गोवा मुक्ति-यज्ञ माईचा मृत्यू सेना समरांगणी रंगली होऊं मी का भार धरेवर तुझें रे कळलें जीवनसार निवडक अभंग संग्रह ७ प्रकरण ७ : अंतिम परिस्थिती (१) 31