Get it on Google Play
Download on the App Store

पारिजात कथा

दक्षप्रजापतीने आपल्या तेरा कन्या कश्‍यप ऋषींना दिल्या. अदिती ही सर्वांत मोठी. एकदा कश्‍यप सिंहासनावर बसून होमहवन करीत असता सिद्धीमंत्र म्हणून त्यांनी होमकुंडात आहुती टाकली. त्याबरोबर होमकुंडातून एक वृक्ष निघाला. तोच पारिजातक होय. पुढे अदितीला इंद्र हा मुलगा झाला. त्याला जेव्हा कश्‍यपांनी अमरावतीचे राज्य दिले तेव्हाच तो प्राजक्त वृक्षही दिला. तेव्हापासून तो वृक्ष अमरावतीस होता.
एकदा कैलास पर्वतावर पार्वती शंकराला म्हणाली,"तुम्ही एवढे सामर्थ्यवान परमेश्‍वर, तो कश्‍यप ऋषी एक यःकश्‍चित मनुष्य. असे असताना त्याने रंग, रूप, सुगंधयुक्त असा अपूर्व पारिजातक निर्माण केला आणि आता तो इंद्राच्या अमरावतीस आहे. मला तो एकदा बघायचा आहे." हे ऐकून लगेच शंकराने पार्वतीला कैलासाच्या एका भागावर आणले. तेथे गेल्यावर पार्वतीला असे दिसले, की तिथे एक अतिशय विस्तीर्ण व सुंदर बाग असून, त्याच्या कुंपणावर पारिजातक वृक्ष लावले होते. प्रत्यक्ष बागेत तर कल्पवृक्ष आणि इतर अनेक सुंदर, सुगंधी फुलांचे वृक्ष होते. आणखी बर्‍याच रमणीय गोष्टी, सुंदर प्रासाद, त्याभोवती सुंदर पुतळे होते. हे सर्व वैभव खुद्द शंकरांच्या मालकीचे होते. शंकरांनी पार्वतीला त्या महालात नेले, त्याच्या वरच्या मजल्यावरील मनोर्‍यातून पार्वतीने आजूबाजूला पाहिले. ते सर्व अपूर्व, सुंदर दृश्‍य पाहून पार्वती फारच प्रभावित झाली; तसेच ज्या पारिजातकासाठी आपण कश्‍यपाची प्रशंसा केली तसे हजारो पारिजातक वृक्ष त्याभोवती कुंपणासारखे होते. संपूर्ण विश्‍व निर्माण करण्याची ज्याची योग्यता तो प्रत्यक्ष महेश्‍वर आपला पती असताना आपण एखाद्या सामान्य स्त्रीप्रमाणे पारिजातक पाहण्यासाठी अमरावतीस जाण्याची इच्छा धरली, याबद्दल तिला फार पश्‍चात्ताप झाला. आपल्या पतीचा मोठेपणा आपण जाणला नाही, या जाणिवेने तिने शंकराची क्षमा मागितली.

पौराणिक कथा - संग्रह १

संकलित
Chapters
कर्णपुत्र वृषकेतूची कथा हयग्रीव अवतार बौद्धावतार हरिश्‍चंद्र वज्रनाभ राजाची कथा उषा-अनिरुद्ध विवाह यादवांच्या नाशाची कथा महाप्रलयाची कथा व्यासपुत्र शुकाची कथा मुचकुंदाची कथा उर्वशी व पुरुरवा ध्रुवाची कथा अयोध्येच्या धोब्याची कथा गाईचा महिमा दंडकारण्य उत्पत्ती कथा कर्णपुत्र वृषकेतूची कथा नृसिंह व वीरभद्र कर्णपुत्र वृषकेतूची कथा पाच पांडव व द्रौपदी कलंकी अवतार तपती आख्यान कृपाची जन्मकथा सरस्वतीची झाली नंदा रामभक्त राजा सुरथ श्‍वेतराजाचा उद्धार शिवभक्त वीरमणी रावणकथा विष्णूचे चक्र व गदा वैजयंतीमालेची कथा नंदीची कथा सांबाची सूर्योपासना प्रल्हाद आख्यान पौंड्रकवासुदेव वध व काशिदहन शांतीचा मार्ग शंबरासुर वध पारिजात कथा श्रीवत्सलांच्छनाची कथा वृकासुराची कथा स्यमंतक मण्याची कथा १ स्यमंतक मण्याची कथा २ दशरथ कौसल्या विवाह त्रिशंकूची कथा भृगुपुत्र शुक्राची कथा कर्कटी राक्षसीची कथा जीवटाख्यान समुद्रमंथन व राहूची कथा रेणुकेचा जन्म रेणुका स्वयंवर सहस्रार्जुनाची कथा जयध्वजाचे आख्यान सौभरी चरित्र गरुडाचे गर्वहरण पराशर कथा श्रीमतीचे आख्यान कौशिकाचे वैष्णवगायन क्षुप व दधिचाची कथा श्रीरामांची सतीकडून परीक्षा शंखचूडाची कथा शिवांचे अवतार अवदशेची कथा कान्यकुब्ज नगरीची कथा भरताचे मागणे उर्वशी लोपामुद्रा सती सुकन्या नीलम आणि ऋता मैत्रेयी गार्गी सुभद्रा चित्रांगदा देवकी यशोदा