Get it on Google Play
Download on the App Store

श्याम 95

२१.  सानुला कवी

कविता करण्याचा मला अगदी लहानपणापासून नाद होता. इंग्लंडमधील पोप कवी बापाचा मार खाताखाता 'बाबा बाबा पुरे मार  ।  झालो आता मी बेजार' असे रडत रडत काव्यातच बोलला. लहानपणी मी माझ्या धाकटया भावांना आंदुळताना साक्या करुन म्हणत असे. सुधन्वा, चंद्रहास वगैरेंच्या ज्या कथा पोथीत वाचीत असे, त्या मी साकीत रचून आंदुळताना म्हणत असे. त्या वेळेस मी काव्य रचतो आहे, मी कवी झालो आहे, हे मला ठाऊक नव्हते. मला नकळत मी कवी झालो होतो.

एकदा आमच्या घरी एक वेदाध्ययन केलेले भिक्षुक आले होते. ते विष्णुसहस्त्रनाम म्हणत होते. त्यांना एक चरण आठवेना. मी त्यांच्याजवळ होतो. काहीतरी एक चरण करुन मी त्यांना दिला. ते म्हणाले, 'वा ! श्याम, तू पुढे कवी होशील.' त्यांचा हा आशीर्वाद थोडाफार खरा झाला आहे.

बालपणाची माझी काव्यशक्ती मी विसरुन गेलो होतो. दापोलीच्या शाळेत ती पुन्हा जागी झाली. दापोलीस असतांना नवनीत, काव्यदोहन वगैरे मी पाठ केली होती. नवनीत सदैव माझ्या हातात असावयाचे. वृत्तदर्पणही मी वाचले. माझा एक मित्र मुरुडकर व मी शाळेतून परत येताना काव्यचर्चा करीत येत असू. राधारमण कवींच्या काव्याबद्दल आम्ही बोलत असू. चरणच्या चरण कसे यमकात्मक ते रचितात, याचे आम्हास आश्चर्य वाटे. एके दिवशी बाबा मला म्हणाला, 'श्याम ! तुला येईल रे कविता करावयास ?' मी म्हटले, 'न यावयास काय झाले ? उद्या मी एक कविता करुन आणतो-'

त्या दिवशी मी कवितेचे चरण तयार करुन ठेवले.

"रामनाम असे हितकारक
तेच होई सदा भवतारक'


हे दोन चरण मला फार आवडले. मी माझ्याशीच ते गुणगुणत बसलो. शाळेत गेल्यावर बाबाला हे चरण केव्हा दाखवीन असे मला झाले. ते चरण म्हणजे माझी निर्मिती होती. आजपर्यंत इतरांचे श्लोक मी घोकले. इतरांची काव्ये पाठ केली. त्या दिवशी मी माझे चरण घोकीत होतो. स्वत: निर्माण केलेल्या सृष्टीत मानवाचा खरा आनंद आहे. स्वत:चे मूल कसेही असले तरी आईबापांना आवडते. त्याप्रमाणे स्वत:चे चित्र, स्वत:चे काव्य कलावानास आवडते. लहान मूल पाटीवर वेडेवाकडे चित्र काढते, ते चित्र तुम्ही पूसू जाल तर लहान मूल पुसू देणार नाही. त्याने ते निर्माण केलेले असते. या निर्मितीचा आनंद तुम्ही पुसू पहाल तर मूल डोके फोडील व रडरड रडेल.

श्याम

पांडुरंग सदाशिव साने
Chapters
श्याम 1 श्याम 2 श्याम 3 श्याम 4 श्याम 5 श्याम 6 श्याम 7 श्याम 8 श्याम 9 श्याम 10 श्याम 11 श्याम 12 श्याम 13 श्याम 14 श्याम 15 श्याम 16 श्याम 17 श्याम 18 श्याम 19 श्याम 20 श्याम 21 श्याम 22 श्याम 23 श्याम 24 श्याम 25 श्याम 26 श्याम 27 श्याम 28 श्याम 29 श्याम 30 श्याम 31 श्याम 32 श्याम 33 श्याम 34 श्याम 35 श्याम 36 श्याम 38 श्याम 39 श्याम 40 श्याम 41 श्याम 42 श्याम 43 श्याम 44 श्याम 45 श्याम 46 श्याम 47 श्याम 48 श्याम 49 श्याम 50 श्याम 51 श्याम 52 श्याम 53 श्याम 54 श्याम 55 श्याम 56 श्याम 57 श्याम 58 श्याम 59 श्याम 60 श्याम 61 श्याम 62 श्याम 63 श्याम 64 श्याम 65 श्याम 66 श्याम 67 श्याम 68 श्याम 69 श्याम 70 श्याम 71 श्याम 72 श्याम 73 श्याम 74 श्याम 75 श्याम 76 श्याम 77 श्याम 78 श्याम 79 श्याम 80 श्याम 81 श्याम 82 श्याम 83 श्याम 84 श्याम 85 श्याम 86 श्याम 87 श्याम 88 श्याम 89 श्याम 90 श्याम 91 श्याम 92 श्याम 93 श्याम 94 श्याम 95 श्याम 96 श्याम 97 श्याम 98 श्याम 99 श्याम 100 श्याम 101 श्याम 102 श्याम 103 श्याम 104 श्याम 105 श्याम 106 श्याम 107 श्याम 108 श्याम 109 श्याम 110 श्याम 111 श्याम 112 श्याम 113 श्याम 114 श्याम 115 श्याम 116 श्याम 117 श्याम 118 श्याम 119 श्याम 120 श्याम 121 श्याम 122 श्याम 123 श्याम 124 श्याम 125 श्याम 126 श्याम 127 श्याम 128 श्याम 129 श्याम 130 श्याम 131 श्याम 132 श्याम 133 श्याम 134 श्याम 135 श्याम 136 श्याम 137 श्याम 138 श्याम 139 श्याम 140 श्याम 141 श्याम 142 श्याम 143 श्याम 144 श्याम 145 श्याम 146 श्याम 147 श्याम 148