Get it on Google Play
Download on the App Store

श्याम 73

पुजारी :- बरे. आता तर माझ्याबरोबर माझ्या घरी चल. येथे तर निजता येणार नाही. माझ्याकडे   झोप. मग सकाळी पाहू काय करावयाचे ते.

मी :- परंतु मला तुमच्याकडे ठेवा. मी स्वावलंबी होऊन शिकेन.

पुजारी :- बरे, बघू; चल.

आम्ही दोघे तुळशीबागेच्या मंदिराच्या बाहेर पडलो. बाहेरच्या रस्त्यावर आलो. मी रामाचा धावा करीत होतो.

कान्हा लाज राख मेरी  । ।  धृ. । ।
हम गरीब तुम करुणासागर
दुष्ट करत बलजोरी  । । कान्हा. । ।
मीराके प्रभु गिरिधर नागर
तुम पिता मै छोरी  । । कान्हा. । ।


पुजा-याच्या घरी जाता जाता आमचा संवाद चालला होता.

पुजारी
:- तू कोणत्या शाळेत जातोस ?

मी :- माझे नाव अद्याप कोणत्याच शाळेत नाही. मामा घरी शिकवितात मला.

पुजारी :- तुझे किती शिक्षण झाले आहे ?

मी :- कोकणात माझी मराठी पाचवी इयत्ता झाली. येथे जवळजवळ इंग्रजी दुसरीचा अभ्यास संपत आला आहे.

पुजारी :- शाळेत नाव घालण्यासाठी दाखला लागेल.

मी :- कोकणातून माझ्या वडिलांकडून मागवून घेईन मी.

पुजारी
:- फीला पैसे लागतील.

मी :- नादार नाही का घेणार ? मी गरीब आहे. असे सांगितले तर नाही का मोफत घेणार ?

पुजारी
:- नाव दाखल करताना तर फी हवीच. शिवाय तुला एकदम नादारी कशी देतील ? पुढे परीक्षा सर्व मुलांबरोबर होईल. त्या परीक्षेत चांगले मार्ग मिळव. मग कदाचित माफी मिळेल. तोपर्यंत कसे जमेल ?

मी
:- फीपुरते पैसे माझे वडील पाठवतील. नाही तर मी कोणाकडे पाणी वगैरे भरीन. तुम्ही मला काम मिळवून द्याल ?

पुजारी
:- तू काय पाणी भरणार ?

मी :- का बरे ? सदाशिव पेठेच्या हौदावर मी रोज अंघोळीस जातो तर येताना बादली भरुन आणतो.

पुजारी :- तुझे सामान कोठे आहे ?

मी
:- मामांकडे माझी पुस्तके, अंथरुण-पांघरुण, कपडे सारे त्यांच्याकडेच आहे.

श्याम

पांडुरंग सदाशिव साने
Chapters
श्याम 1 श्याम 2 श्याम 3 श्याम 4 श्याम 5 श्याम 6 श्याम 7 श्याम 8 श्याम 9 श्याम 10 श्याम 11 श्याम 12 श्याम 13 श्याम 14 श्याम 15 श्याम 16 श्याम 17 श्याम 18 श्याम 19 श्याम 20 श्याम 21 श्याम 22 श्याम 23 श्याम 24 श्याम 25 श्याम 26 श्याम 27 श्याम 28 श्याम 29 श्याम 30 श्याम 31 श्याम 32 श्याम 33 श्याम 34 श्याम 35 श्याम 36 श्याम 38 श्याम 39 श्याम 40 श्याम 41 श्याम 42 श्याम 43 श्याम 44 श्याम 45 श्याम 46 श्याम 47 श्याम 48 श्याम 49 श्याम 50 श्याम 51 श्याम 52 श्याम 53 श्याम 54 श्याम 55 श्याम 56 श्याम 57 श्याम 58 श्याम 59 श्याम 60 श्याम 61 श्याम 62 श्याम 63 श्याम 64 श्याम 65 श्याम 66 श्याम 67 श्याम 68 श्याम 69 श्याम 70 श्याम 71 श्याम 72 श्याम 73 श्याम 74 श्याम 75 श्याम 76 श्याम 77 श्याम 78 श्याम 79 श्याम 80 श्याम 81 श्याम 82 श्याम 83 श्याम 84 श्याम 85 श्याम 86 श्याम 87 श्याम 88 श्याम 89 श्याम 90 श्याम 91 श्याम 92 श्याम 93 श्याम 94 श्याम 95 श्याम 96 श्याम 97 श्याम 98 श्याम 99 श्याम 100 श्याम 101 श्याम 102 श्याम 103 श्याम 104 श्याम 105 श्याम 106 श्याम 107 श्याम 108 श्याम 109 श्याम 110 श्याम 111 श्याम 112 श्याम 113 श्याम 114 श्याम 115 श्याम 116 श्याम 117 श्याम 118 श्याम 119 श्याम 120 श्याम 121 श्याम 122 श्याम 123 श्याम 124 श्याम 125 श्याम 126 श्याम 127 श्याम 128 श्याम 129 श्याम 130 श्याम 131 श्याम 132 श्याम 133 श्याम 134 श्याम 135 श्याम 136 श्याम 137 श्याम 138 श्याम 139 श्याम 140 श्याम 141 श्याम 142 श्याम 143 श्याम 144 श्याम 145 श्याम 146 श्याम 147 श्याम 148