Get it on Google Play
Download on the App Store

श्याम 16

३.  माझा पहिला मुसलमान मित्र

माझे डोळे बरे झाले. मी हसत खेळत, रुसत, रागावत, शिकत होतो. परंतु मी आजारी पडलो. मला ताप येऊ लागला. मामा जरा घाबरले. धाकटे मामा रजा घेऊन घरीच एक आठवडाभर राहिले. माधवराव येत असत. रात्री माधवराव मधून-मधून पहारा करीत. त्यांचा हात माझ्या हातात घेऊन मी पडून राहत असे.

हळूहळू तापाला उतार पडला. सर्वांच्या जिवात जीव आला. दोघे मामा पुन्हा कामावर जाऊ लागले. ते कामावर जाऊ लागले म्हणजे माझे डोळे भरुन येत असत. धाकटे मामा मला कुरवाळीत म्हणावयाचे 'श्याम, पडून रहा. अजून हिंडू नको. मी लवकर संध्याकाळी येईन. येताना डाळिंब आणीन.' मी मामांचा हात सोडीत नसे. परंतु आपला हात सोडवून मोठया कष्टाने ते निघून जात.

मामा गेले म्हणजे मी मुसमुसत असे. मामी रागे भरे. ती म्हणायची 'असे रडणे चांगले नाही. नसते दुखणे अशाने यायचे.' या शब्दांनी माझे रडणे थांबण्याऐवजी उलट वाढे मात्र. मामी शक्य तेवढी माझी काळजी घेई, माझे कपडे रोजच्या रोज बदली. अंथरुणावरची चादर दोन-तीन दिवसांनी धुई किंवा डाळिंबाचे दाणे काढून बशीत ठेवी. मोसंब्याच्या फोडी सोलून देई. सारे ती करी; परंतु ती जे करी त्यात ओलावा नसे, कर्तव्य करावयाचे या बुध्दीने ती करी; परंतु त्यात प्रेम नसे. माझ्या हृदयाला ती ओढू शकली नाही. आईचे प्रेम, बहीणभावाचे प्रेम, मावशीचे प्रेम, मामी देऊ शकली नाही. कठीणच आहे ती गोष्ट. दुस-याच्या मुलावर पोटच्या पोराप्रमाणे माया करता येणे ही गोष्ट सोपी नाही.

ज्या कर्तव्यात हृदयाचा जिव्हाळा ओतलेला नाही ते कर्तव्य कितीही चांगल्या प्रकारे केले तरी जगाला जिंकू शकणार नाही. कितीही कसोशीने व कौशल्याने सोन्याचे फूल तयार केले तरी त्याला वास का येईल ? त्याच्यात रस का मिळेल ? ते फूल मौल्यवान असेल तरी निर्जीव होय.

श्याम

पांडुरंग सदाशिव साने
Chapters
श्याम 1 श्याम 2 श्याम 3 श्याम 4 श्याम 5 श्याम 6 श्याम 7 श्याम 8 श्याम 9 श्याम 10 श्याम 11 श्याम 12 श्याम 13 श्याम 14 श्याम 15 श्याम 16 श्याम 17 श्याम 18 श्याम 19 श्याम 20 श्याम 21 श्याम 22 श्याम 23 श्याम 24 श्याम 25 श्याम 26 श्याम 27 श्याम 28 श्याम 29 श्याम 30 श्याम 31 श्याम 32 श्याम 33 श्याम 34 श्याम 35 श्याम 36 श्याम 38 श्याम 39 श्याम 40 श्याम 41 श्याम 42 श्याम 43 श्याम 44 श्याम 45 श्याम 46 श्याम 47 श्याम 48 श्याम 49 श्याम 50 श्याम 51 श्याम 52 श्याम 53 श्याम 54 श्याम 55 श्याम 56 श्याम 57 श्याम 58 श्याम 59 श्याम 60 श्याम 61 श्याम 62 श्याम 63 श्याम 64 श्याम 65 श्याम 66 श्याम 67 श्याम 68 श्याम 69 श्याम 70 श्याम 71 श्याम 72 श्याम 73 श्याम 74 श्याम 75 श्याम 76 श्याम 77 श्याम 78 श्याम 79 श्याम 80 श्याम 81 श्याम 82 श्याम 83 श्याम 84 श्याम 85 श्याम 86 श्याम 87 श्याम 88 श्याम 89 श्याम 90 श्याम 91 श्याम 92 श्याम 93 श्याम 94 श्याम 95 श्याम 96 श्याम 97 श्याम 98 श्याम 99 श्याम 100 श्याम 101 श्याम 102 श्याम 103 श्याम 104 श्याम 105 श्याम 106 श्याम 107 श्याम 108 श्याम 109 श्याम 110 श्याम 111 श्याम 112 श्याम 113 श्याम 114 श्याम 115 श्याम 116 श्याम 117 श्याम 118 श्याम 119 श्याम 120 श्याम 121 श्याम 122 श्याम 123 श्याम 124 श्याम 125 श्याम 126 श्याम 127 श्याम 128 श्याम 129 श्याम 130 श्याम 131 श्याम 132 श्याम 133 श्याम 134 श्याम 135 श्याम 136 श्याम 137 श्याम 138 श्याम 139 श्याम 140 श्याम 141 श्याम 142 श्याम 143 श्याम 144 श्याम 145 श्याम 146 श्याम 147 श्याम 148