Get it on Google Play
Download on the App Store

नरहरि जपे निरंतर

कृपा करी पंढरीनाथा । दीनानाथ तूं समर्था ॥ १ ॥

अपराध करीं क्षमा । तुझा न कळे महिमा ॥ २ ॥

करीं भक्ताचा सांभाळु । अनाथाचा तूं कृपाळु ॥ ३ ॥

आम्ही बहुत अन्यायी । क्षमा करी विठाबाई ॥ ४ ॥

आलों पतीत शरण । पावन करीं नारायण ॥ ५ ॥

पापी अमंगळ थोर । कृपा करीं दासावर ॥ ६ ॥

मी तरी अवगुण बहुत । दयाकरीं पंढरीनाथ ॥ ७ ॥

दयासागरा अनंता । कृपा करीं पंढरिनाथा ॥ ८ ॥

तुझें नामामृत सार । नरहरि जपे निरंतर ॥ ९ ॥