Get it on Google Play
Download on the App Store

जय जगज्जननि , विठाबाई । उ...

जय जगज्जननि, विठाबाई । उठो हो जागृत लवलाही ॥धृ०॥

क्षिराब्धीवासि गरुडवाहन । नावडे शेषावर शयन

दवडिला पुत्र वेदवदन । विशेषहि लक्ष्मीवर न मन

आगळें वैकुंठाहून । आवडे पंढरपूर भुवन

(चाल)- निर्मळ वाहे चंद्रभागा

पावति कोटि पापें भंगा

दंडकारण्य-धन्य लावण्य-पुण्यहि अगण्य

कटिं कर विटेवरता राही । उभा प्रत्यक्ष शेषशायी ॥१॥

सुयोधन लाक्षागृहीं कोंडी । पांडव दहनांतुनि काढी

वसन बळें दुःशासन ओढी । नेसवी दौपदिला लुगडीं

बंधनें पतितांची तोडी । पुरवी भक्‍तांच्या आवडी

(चाल) मृत स्त्री संकट जयदेवा

मेहता नरसिंह करि धावा

धावणें आज-राखणें लाज-उचित हें काज

गौरवी त्याचा जावई । उग्र विष प्याली मिराबाई ॥२॥

पितांबर शोभतसे पिवळा । गळ्यामधें तुळसीच्या माळा

हर हर सदाशिव भोळा । सदा शिरिं धरिसी घननीळा

मिळाला भक्‍तांचा मेळा । ललाटें घासिति पदकमळा

(चाल) नीरांजन-धूप-दीप आरती

सुमंत्रे पुष्पांजुळि वाहती

सदा आनंद-राधेगोविंद-लागला छंद

विठ्ठल, विठ्ठल, रुखमाई । भजनें होति ठाइं-ठाई ॥३॥

तुजविण एकला मी कष्टी । कृपेची सकळांवर वृष्टी

एकदां मजकडे जगजेठी। क्षणभर करसिल जरि दृष्टी

तरि मग स्वमुखें परमेष्ठी । मजला धन्य म्हणेल सृष्टी

(चाल) ऐकुनी करुणेची वाणी

कृपेनें द्रवे चक्रपाणी

प्रभु, वनमाळि-ब्रीद सांभाळि-दिनाप्रति पाळि

प्रकटे भक्‍ताच्या हृदयीं । विष्णुदास लागे पायीं ॥४॥

पांडुरंग आरती संग्रह

भगवान दादा
Chapters
युगें अठ्ठावीस विटेवर उभा... येई हो विठ्ठले माझे माऊली... विठ्ठला मायबापा । वारीं ... जय जय कटिकर विठ्ठल चिन्मय... आरती अनंतभुजा ॥ विठो पंढर... धन्य दिवस अजि दर्शन संतां... जगदीश जगदीश देव तुज म्हणत... ऎसीया पायालागी मंगळ आरती ... ऎसीया पायालागी मंगळ आरती ... ओवाळूं आरती माझ्या पंढरीर... भक्तीचे पोटीं बोध कांकडा ... ओंवाळूं गे माये विठ्ठल सब... सुंदर अंगकांती मू... गावों नाचों विठी करुं तुझ... पंचदशीचे सारीं पंडितभी भ्... निर्जरवर स्मरहधर भीमातिरव... काय तुझा महिमा वर्णूं मी ... सुकुमार मुखकमल । निजसार न... पंढरी पुण्यभूमी ॥ दक्षिण ... जय पांडुरंग देवानंददुमकंप... फळलें भाग्य माझें । धन्य ... संत सनकादिक भक्त मिळाले अ... प्रेम सप्रेम आरती । गोविं... जय जगज्जननि , विठाबाई । उ...