Get it on Google Play
Download on the App Store

पंचदशीचे सारीं पंडितभी भ्...

पंचदशीचे सारीं पंडितभी भ्रमले ॥
घटमठ खटपट करितां गुरुशिष्य श्रमले ॥
तव पदिं सुगमी नमले स्वमुखीं ते रमले ॥
पंढरीनाथा नयनी लक्षुनि विश्रमले ॥ १ ॥

जय देवा जय देवा पंढरीच्या राया ॥
वैकुंठा प्रति वससी जगदुद्धराया ॥ धृ. ॥

ढकलति चिरडति पडती वरडति भेटाया ॥
क्षीरापति उडविति किति वणंवति वेंचाया ॥
बडवे बडविति देवा झाला खेटा या ॥
पुनरपि जाणे खुंटें कालाच्या ठाया ॥ २ ॥

रिपुही चरणी लोळति सांडुनियां गर्व ॥
वर्णावर्ण हि नेणति भेटति सम सर्व ॥
नाचति अप्सरसांगण गाती गंधर्व ॥
बहु जन्मींच्या पुण्यें साधे हें सर्व ॥ ३ ॥

नाचावे संतांसह गांवे खेळावें ।
आनंदे डोलावें प्रेमें लोळावें ॥
न्हावें भीमाजळिं मन भजनीं घोळावें ॥
पुंडलिका भेटावें तव वपु टेळावें ॥ ४ ॥

थकलों येरझारी बहुविध संसारी ॥
तुज विस्मरलों दु:खें अनुभवलों सारिं ॥
ध्यानी यावें विठ्ठल पीतांबरधारी ॥
नारायणदासा न्या भवनिधिपरपारीं ॥ ५ ॥

पांडुरंग आरती संग्रह

भगवान दादा
Chapters
युगें अठ्ठावीस विटेवर उभा... येई हो विठ्ठले माझे माऊली... विठ्ठला मायबापा । वारीं ... जय जय कटिकर विठ्ठल चिन्मय... आरती अनंतभुजा ॥ विठो पंढर... धन्य दिवस अजि दर्शन संतां... जगदीश जगदीश देव तुज म्हणत... ऎसीया पायालागी मंगळ आरती ... ऎसीया पायालागी मंगळ आरती ... ओवाळूं आरती माझ्या पंढरीर... भक्तीचे पोटीं बोध कांकडा ... ओंवाळूं गे माये विठ्ठल सब... सुंदर अंगकांती मू... गावों नाचों विठी करुं तुझ... पंचदशीचे सारीं पंडितभी भ्... निर्जरवर स्मरहधर भीमातिरव... काय तुझा महिमा वर्णूं मी ... सुकुमार मुखकमल । निजसार न... पंढरी पुण्यभूमी ॥ दक्षिण ... जय पांडुरंग देवानंददुमकंप... फळलें भाग्य माझें । धन्य ... संत सनकादिक भक्त मिळाले अ... प्रेम सप्रेम आरती । गोविं... जय जगज्जननि , विठाबाई । उ...