Get it on Google Play
Download on the App Store

संध्या 111

“कल्याण तुझ्यासाठीं जपतो ना ?”

“तें त्याला विचार. आतां जेवायला चला बरं. मला भूक लागली आहे. तुम्ही उपाशी राहतां. परंतु संध्येला नाहीं हो राहवत.”

जेवणें झाली. आणि कल्याण व विश्वास फिरायला निघाले.

“मी येऊं का, कल्याण ?”

“तुला न्यायचं असतं, तर मीं आधींच नसतं का चल म्हटलं ?”

“कुठं जातां तुम्ही ?”

“कांहीं महत्त्वाच्या कामाला.”

“जा हो; महत्त्वाचीं कामं आम्हां बायकांना काय करायचीं ?”

“संध्ये, लगेच असं ग काय म्हणतेस ? “

“नाहीं हो, पुन्हां असं बोलणार, कल्याण. प्रेमानं जरा भांडूंहि नये वाटतं ?”

“प्रेमानं रागावून म्हणत असशील तर कांहींच म्हणणं नाहीं.”

“तुझ्यावर खरं रागावतां मला येईल का तरी ? या जन्मीं तरी नाहीं हो तें शक्य.”

ते दोघे मित्र गेले. आणि संध्या खोलींत एकटीच होती. परंतु ती आज अस्वस्थ होती. अशान्त होती. आज तिला घरच्या सर्वांची आठवण आली. आई आठवली. बाबा आठवले. आणि प्रेमळ आजी आठवली. आजीची आठवण येतांच संध्या इकडे तिकडे पाहूं लागली. एकदम आजी जवळ आहे असा तिला भास झाला. ती घाबरली, परंतु लगेच शांत झाली. तिनें आपली ट्रंक उघडली. ट्रंकेंतील देवाची ती सुंदर मूर्ति तिनें काढली. तिनें ती मूर्ति मस्तकीं धरली. समोर एका सुंदर पुस्तकावर तिनें ती मूर्ति ठेवली. त्या मूर्तीसमोर ती डोळे मिटून बसली. ईश्वराच्या ध्यानांत ती रंगून गेली. आणि कल्याण व विश्वास आले. हळूच दार उघडून ते आंत आले. दाराला कडी नव्हती. संध्या प्रभुचिंतनांत बुडून गेली होती.

“संध्ये ! “विश्वासनें हांक मारली.

तिनें डोळे उघडले. कोणी बोललें नाहीं. संध्या बावरली, ओशाळली.

“आंत रे कसे आलेत ?” तिनें विचारलें.

“तुझ्या देवानं कडी काढली.” कल्याण म्हणाला.

“संध्ये, तूं कडी लावलीसच नव्हतीस. कोणी चोर येता तर ?”

“येता तर निराश होता. आहे काय घरांत न्यायला ?”

“संध्ये, तुझं माझ्यावर प्रेम नाहीं. “कल्याण म्हणाला.

“कशावरून ?”

“तुझं दुस-या कोणावर तरी प्रेम आहे.”

“काय हें कल्याण बोलतोस ?”

“खरं तें मी बोलतों.”

“कोणता रे पुरावा ?”

“प्रत्यक्ष डोळयांचा.”

“कल्याण ?”

“मी आजपर्यंत बोललों नाहीं. आज पाहिलं म्हणून बोलतों.”

“काय रे पाहिलंस ?”

“कीं दुस-यांचं तूं चिंतन करतेस. “

“म्हणजे त्या माझ्या मूर्तीचं ? होय ना ?”

संध्या

पांडुरंग सदाशिव साने
Chapters
संध्या 1 संध्या 2 संध्या 3 संध्या 4 संध्या 5 संध्या 6 संध्या 7 संध्या 8 संध्या 9 संध्या 10 संध्या 11 संध्या 12 संध्या 13 संध्या 14 संध्या 15 संध्या 16 संध्या 17 संध्या 18 संध्या 19 संध्या 20 संध्या 21 संध्या 22 संध्या 23 संध्या 24 संध्या 25 संध्या 26 संध्या 27 संध्या 28 संध्या 29 संध्या 30 संध्या 31 संध्या 32 संध्या 33 संध्या 34 संध्या 35 संध्या 36 संध्या 37 संध्या 38 संध्या 39 संध्या 40 संध्या 41 संध्या 42 संध्या 43 संध्या 44 संध्या 45 संध्या 46 संध्या 47 संध्या 48 संध्या 49 संध्या 50 संध्या 51 संध्या 52 संध्या 53 संध्या 54 संध्या 55 संध्या 56 संध्या 57 संध्या 58 संध्या 59 संध्या 60 संध्या 61 संध्या 62 संध्या 63 संध्या 64 संध्या 65 संध्या 66 संध्या 67 संध्या 68 संध्या 69 संध्या 70 संध्या 71 संध्या 72 संध्या 73 संध्या 74 संध्या 75 संध्या 76 संध्या 77 संध्या 78 संध्या 79 संध्या 80 संध्या 81 संध्या 82 संध्या 83 संध्या 84 संध्या 85 संध्या 86 संध्या 87 संध्या 88 संध्या 89 संध्या 90 संध्या 91 संध्या 92 संध्या 93 संध्या 94 संध्या 95 संध्या 96 संध्या 97 संध्या 98 संध्या 99 संध्या 100 संध्या 101 संध्या 102 संध्या 103 संध्या 104 संध्या 105 संध्या 106 संध्या 107 संध्या 108 संध्या 109 संध्या 110 संध्या 111 संध्या 112 संध्या 113 संध्या 114 संध्या 115 संध्या 116 संध्या 117 संध्या 118 संध्या 119 संध्या 120 संध्या 121 संध्या 122 संध्या 123 संध्या 124 संध्या 125 संध्या 126 संध्या 127 संध्या 128 संध्या 129 संध्या 130 संध्या 131 संध्या 132 संध्या 133 संध्या 134 संध्या 135 संध्या 136 संध्या 137 संध्या 138 संध्या 139 संध्या 140 संध्या 141 संध्या 142 संध्या 143 संध्या 144 संध्या 145 संध्या 146 संध्या 147 संध्या 148 संध्या 149 संध्या 150 संध्या 151 संध्या 152 संध्या 153 संध्या 154 संध्या 155 संध्या 156 संध्या 157 संध्या 158 संध्या 159 संध्या 160 संध्या 161 संध्या 162 संध्या 163 संध्या 164 संध्या 165 संध्या 166 संध्या 167 संध्या 168 संध्या 169 संध्या 170 संध्या 171 संध्या 172 संध्या 173 संध्या 174 संध्या 175 संध्या 176 संध्या 177 संध्या 178 संध्या 179 संध्या 180