Get it on Google Play
Download on the App Store

संध्या 29

“बाबा, मी जाऊं ?”

“जा.”

संध्या निघून गेली. ती आजीजवळ आली. आज चुलते नारायणराव घरीं नव्हते. त्यामुळें आजी चुलीजवळ नव्हती. भिंतीजवळ माळ घेऊन ती रामनाम जपत होती. संध्याहि रामराम म्हणूं लागली. मध्येंच तिनें आजीकडे पाहिलें तों आजीच्या डोळयांतून पाणी घळघळत होतें.

“आजी, रडतेसशी ?”

“तूं मोठी झालीस म्हणजे समजेल.”

थोडया वेळाने आजीने संध्येला एकदम जवळ घेतलें. तिच्या डोक्यावरून तिनें हात फिरविला. तिला कुरवाळले.

“संध्ये, नीट जपून वागत जा. देवाला विसरूं नकोस. तुझं पुढं लग्न होईल. सासरीं सांभाळ. उल्लू नको होऊं. उतूं नको, मातूं नको. सर्वांशीं गोड बोलावं, हंसावं, खेळावं. होईल ती दुस-याला मदत करावी. रागावत नको जाऊं, रुसूंहि नको फार. एखाद वेळ रुसणं फुगणं गोड असतं. कोणतीहि स्थिति येवो. संपत्ति वा विपत्ति. समाधानानं राहा. कसेहि दिवस येवोत. आनंदी राहा. कामाला कंटाळूं नये. काम म्हणजे राम. चांगली राहा.”

“आजी, तूं आज असं कां सांगतेस, असं कां बोलतेस ? ही कसली निरवानिरव ? तूं कां कुठं जाणार आहेस ?”

“बोलावणं आलं तर तयारी असावी.”

“कुठलं बोलावणं ?”

“देवपूरचं.”

“मी येऊं तुझ्याबरोबर ?”

“इतक्यांत नको. तुझी कशाला घाई ?”

“कुठं आहे हे देवपूर ? कोण आहे तिकडे आपलं ?”

“देवपूर तिकडे वर आहे.”

“वर म्हणजे कुठं ? पुण्याच्या बाजूला ?”

“किती बोलशील व विचारशील ?”

“आजी, मी येईन हो. मला इथं कंटाळा आला आहे. कुठं तरी दूर पुण्याकडे जावं असं वाटतं. आजी, मी अजून आगगाडीसुध्दां पाहिली नाहीं. आगबोट पाहिली नाहीं. तूं देवपूरला. कशांतून जाणार ?”

“विमानांतून.”

“तूं थट्टाच करतेस मी बोलतच नाहीं मुळीं. तुझ्या मांडीवर मी डोकं ठेवून निजूं ?”

“नीज हो बाळ.”

संध्या आजीच्या मांडीवर डोकें ठेवून झोपली. दुपारची वेळ झाली. जेवायची तयारी होऊं लागली. संध्या उठली व आजीला म्हणाली, “आजी, चल.”

“नको, आज जेवण नको. आज रामनामाचं भोजन करीन.”

“त्यानं का पोट भरतं ? चल ना ग ?

“नको बेटा. तूं जा.”

संध्या

पांडुरंग सदाशिव साने
Chapters
संध्या 1 संध्या 2 संध्या 3 संध्या 4 संध्या 5 संध्या 6 संध्या 7 संध्या 8 संध्या 9 संध्या 10 संध्या 11 संध्या 12 संध्या 13 संध्या 14 संध्या 15 संध्या 16 संध्या 17 संध्या 18 संध्या 19 संध्या 20 संध्या 21 संध्या 22 संध्या 23 संध्या 24 संध्या 25 संध्या 26 संध्या 27 संध्या 28 संध्या 29 संध्या 30 संध्या 31 संध्या 32 संध्या 33 संध्या 34 संध्या 35 संध्या 36 संध्या 37 संध्या 38 संध्या 39 संध्या 40 संध्या 41 संध्या 42 संध्या 43 संध्या 44 संध्या 45 संध्या 46 संध्या 47 संध्या 48 संध्या 49 संध्या 50 संध्या 51 संध्या 52 संध्या 53 संध्या 54 संध्या 55 संध्या 56 संध्या 57 संध्या 58 संध्या 59 संध्या 60 संध्या 61 संध्या 62 संध्या 63 संध्या 64 संध्या 65 संध्या 66 संध्या 67 संध्या 68 संध्या 69 संध्या 70 संध्या 71 संध्या 72 संध्या 73 संध्या 74 संध्या 75 संध्या 76 संध्या 77 संध्या 78 संध्या 79 संध्या 80 संध्या 81 संध्या 82 संध्या 83 संध्या 84 संध्या 85 संध्या 86 संध्या 87 संध्या 88 संध्या 89 संध्या 90 संध्या 91 संध्या 92 संध्या 93 संध्या 94 संध्या 95 संध्या 96 संध्या 97 संध्या 98 संध्या 99 संध्या 100 संध्या 101 संध्या 102 संध्या 103 संध्या 104 संध्या 105 संध्या 106 संध्या 107 संध्या 108 संध्या 109 संध्या 110 संध्या 111 संध्या 112 संध्या 113 संध्या 114 संध्या 115 संध्या 116 संध्या 117 संध्या 118 संध्या 119 संध्या 120 संध्या 121 संध्या 122 संध्या 123 संध्या 124 संध्या 125 संध्या 126 संध्या 127 संध्या 128 संध्या 129 संध्या 130 संध्या 131 संध्या 132 संध्या 133 संध्या 134 संध्या 135 संध्या 136 संध्या 137 संध्या 138 संध्या 139 संध्या 140 संध्या 141 संध्या 142 संध्या 143 संध्या 144 संध्या 145 संध्या 146 संध्या 147 संध्या 148 संध्या 149 संध्या 150 संध्या 151 संध्या 152 संध्या 153 संध्या 154 संध्या 155 संध्या 156 संध्या 157 संध्या 158 संध्या 159 संध्या 160 संध्या 161 संध्या 162 संध्या 163 संध्या 164 संध्या 165 संध्या 166 संध्या 167 संध्या 168 संध्या 169 संध्या 170 संध्या 171 संध्या 172 संध्या 173 संध्या 174 संध्या 175 संध्या 176 संध्या 177 संध्या 178 संध्या 179 संध्या 180