Get it on Google Play
Download on the App Store

संध्या 9

कल्याण व संध्या

कल्याण मोठा हूड होता. त्याच्या सुपाणी गांवांत त्याच्यासारखा खेळकर मुलगा नव्हता. सुपाणी गांवालाहि भीमा होती. भीमेचे पवित्र पाणी त्या गांवाला मिळे, म्हणून का सुपाणी नांव ? कल्याणचें शरीर गोटीसारखें होतें. त्याचा वर्ण काळासांवळा होता. तोंड वाटोळें होते. डोळे मोठे व काळेभोर होते. त्याला पाहतांच प्रेम वाटे. मोह वाटे. आरोग्याचें उत्कृष्ट सौंदर्य त्याच्याजवळ होते. गांवातील मुलांचा तो म्होरक्या होता. तो नवीन नवीन खेळ शोधून काढी. मुलांना कवाईत शिकवी. पोहण्यांत तो पटाईत होता. भीमेला पूर यावा व कल्याणच्या हृदयालाहि पूर यावा. तो लहान होता. परंतु भीति ही वस्तु त्याला ठाऊक नव्हती. भीमेचे सहस्त्रावधि तरंग त्याला जणू नाचवीत. एखाद्या फुलाप्रमाणे तिच्या फेसाळ पाण्यावर तो तरंगे. भित्र्या मुलांना तो धीट करी, त्यांना उडया टाकायला लावी. कल्याण म्हणजे भेकडांना शूर करणारा, रडक्यांना हंसवणारा, दुबळयांना झुंजार करणारा. तो घरबश्या मुलांना बाहेर काढी, व खेळायला लावी. कल्याण म्हणजे मूर्तिमंत उत्साह; मूर्त स्फूर्ति, मूर्त ज्योति. नवभारताचा तो अभिनव युवक होता. उगवत्या भारतभाग्यसूर्याचा तो अरुण होता.

उडगी गांव सुपाणी गांवाहून फार दूर नव्हता. उडगी गांवचीं मुले कल्याणला कवाईत शिकविण्यासाठीं बोलावीत. कल्याण जाई. तेथील मुलांचाहि तो आवडता झाला. कधीं कधीं उडगी गांवांतील रस्त्यांतून तो मुलांना कवाईत करीत नेई. ती व्यवस्थित जाणारी तुकडी पाहून सर्व स्त्रीपुरुषांना आनंद होई. संध्याहि रस्त्यावर येऊन बघे. कधीं सुपाणी गांवचीं मुले उडगी गांवीं येत वा उडगी गांवचीं मुलें सुपाणीस जात. अशा वेळेस संयुक्त कवाईत होई. रंग चढे. उडगी व सुपाणी गांवातील खेळाडूंचे कधीं खेळ होत व ते पाहायला पुष्कळ मंडळी जमे.

असा हा कल्याण वाढत होता. त्याचे वय सोळा-सतरा वर्षांचें होते. तो कुस्ती छान खेळे. पळण्यांतहि तो पहिला येई. परंतु अलीकडे कल्याण बाहेर पडेनासा झाला. त्याच्या गांवांत इंग्रजी पांचवीपर्यंत शाळा होती. त्याची पांचवी इयत्ता झाली. पुढें पुण्याला शिकावयास जावे असें त्याच्या मनांत होतें; परंतु वडील पाठवीतना. तो दु:खी झाला.

गांवांतील मुलांना संध्या विचारी, कीं तो कल्याण कां येत नाहीं ?

“तो घरांतून बाहेर पडत नाहीं,” असें मुले सांगत.

असे कांही दिवस गेले. आणि एक प्रसंग आला. उडगी गांवांत मोठया प्रमाणावर खेळ व कुस्त्या करण्याचें कांहीं हौशी मंडळींनीं ठरविलें. कल्याणची स्वयंस्फूर्ति जागी झाली. त्यानें अठरा वर्षांच्या आंतील मुलांच्या कुस्त्यांत नांव दिले.

“संध्याताई, कल्याण कुस्तीसाठी येणार आहे. त्यानं नांव दिलं आहे.” एका मुलानें सांगितलें.

“खरंच ?”

“हो.”

“कल्याण कुस्तींत विजयी होईल.”

“कशावरून ?”

संध्या

पांडुरंग सदाशिव साने
Chapters
संध्या 1 संध्या 2 संध्या 3 संध्या 4 संध्या 5 संध्या 6 संध्या 7 संध्या 8 संध्या 9 संध्या 10 संध्या 11 संध्या 12 संध्या 13 संध्या 14 संध्या 15 संध्या 16 संध्या 17 संध्या 18 संध्या 19 संध्या 20 संध्या 21 संध्या 22 संध्या 23 संध्या 24 संध्या 25 संध्या 26 संध्या 27 संध्या 28 संध्या 29 संध्या 30 संध्या 31 संध्या 32 संध्या 33 संध्या 34 संध्या 35 संध्या 36 संध्या 37 संध्या 38 संध्या 39 संध्या 40 संध्या 41 संध्या 42 संध्या 43 संध्या 44 संध्या 45 संध्या 46 संध्या 47 संध्या 48 संध्या 49 संध्या 50 संध्या 51 संध्या 52 संध्या 53 संध्या 54 संध्या 55 संध्या 56 संध्या 57 संध्या 58 संध्या 59 संध्या 60 संध्या 61 संध्या 62 संध्या 63 संध्या 64 संध्या 65 संध्या 66 संध्या 67 संध्या 68 संध्या 69 संध्या 70 संध्या 71 संध्या 72 संध्या 73 संध्या 74 संध्या 75 संध्या 76 संध्या 77 संध्या 78 संध्या 79 संध्या 80 संध्या 81 संध्या 82 संध्या 83 संध्या 84 संध्या 85 संध्या 86 संध्या 87 संध्या 88 संध्या 89 संध्या 90 संध्या 91 संध्या 92 संध्या 93 संध्या 94 संध्या 95 संध्या 96 संध्या 97 संध्या 98 संध्या 99 संध्या 100 संध्या 101 संध्या 102 संध्या 103 संध्या 104 संध्या 105 संध्या 106 संध्या 107 संध्या 108 संध्या 109 संध्या 110 संध्या 111 संध्या 112 संध्या 113 संध्या 114 संध्या 115 संध्या 116 संध्या 117 संध्या 118 संध्या 119 संध्या 120 संध्या 121 संध्या 122 संध्या 123 संध्या 124 संध्या 125 संध्या 126 संध्या 127 संध्या 128 संध्या 129 संध्या 130 संध्या 131 संध्या 132 संध्या 133 संध्या 134 संध्या 135 संध्या 136 संध्या 137 संध्या 138 संध्या 139 संध्या 140 संध्या 141 संध्या 142 संध्या 143 संध्या 144 संध्या 145 संध्या 146 संध्या 147 संध्या 148 संध्या 149 संध्या 150 संध्या 151 संध्या 152 संध्या 153 संध्या 154 संध्या 155 संध्या 156 संध्या 157 संध्या 158 संध्या 159 संध्या 160 संध्या 161 संध्या 162 संध्या 163 संध्या 164 संध्या 165 संध्या 166 संध्या 167 संध्या 168 संध्या 169 संध्या 170 संध्या 171 संध्या 172 संध्या 173 संध्या 174 संध्या 175 संध्या 176 संध्या 177 संध्या 178 संध्या 179 संध्या 180