Get it on Google Play
Download on the App Store

क्रांती 107

१८. शांतेचा संसार

रामदासाचे पत्र मिळाल्यापासून शांता अस्वस्थ होती. विद्या की विवाह हा तिच्यासमोर प्रश्न होता. मोहन स्वतःच्या प्रकृतीची काळजी घेत नव्हता. प्रेमाचे माणूस, जवळ आल्याशिवाय तो काळजी घेणे शक्यही नव्हते. मोहन नसेल तर मला शिकून काय करायचे? मोहन नसेल तर कोठला आनंद? कोठला उत्साह? कोठली स्फूर्ती? शांतेच्या जीवनाचे जीवन म्हणजे मोहन होता. तिने शेवटी विद्येला रामराम करण्याचे ठरविले. ती धनगावला निघून आली.

दुपारच्या वेळी मोहन आपल्या झोपडीत वाचीत पडला होता, तो शांता तेथे आली. ती राहिली. मोहनकडे पाहत उभी राहिली.

''शांता, किती हळू पायांनी आलीस ! तू ! माझ्याकडे येताना तू धावत का नाही आलीस? एकदम येऊन मिठी का नाही मारलीस? मला मिठी मारणं म्हणजे मरणाला मिठी मारणं तुला वाटतं, हो ना? म्हणून भीत भीत आलीस? दबत-दबत आलीस? बस माझ्याजवळ.'' मोहन म्हणाला.

''तू पडून राहा. मोहन, किती रे खोल गेले डोळे तुझे ! तू स्वतःची काळजी का नाही घेत?'' तिने विचारले.

''शांता, किती तरी कामगारांचे डोळे माझ्यापेक्षा खोल गेले आहेत. त्यांच्या मुलांची तोंडं सुकून गेली आहेत. कामगारांचे भयाण संसार पाहून माझे डोळे का वर येतील? माझे डोळे का हसतील, आनंदाने नाचतील? त्यांची दुर्दशा पाहून डोळे मिटावे असं वाटतं.'' तो म्हणाला.

''परंतु अशाने का त्यांची स्थिती सुधारणार आहे? डोळे उघडे ठेवून त्यांची संघटना करू या. लढे लढवू या. त्यातूनच पुढे भले दिवस येतील. त्यासाठी जगलं पाहिजे. प्रकृतीची काळजी घेतली पाहिजे. मोहन, मी आता सांगेन तसं तू ऐकलं पाहिजेस.'' ती म्हणाली.,

''पुन्हा शिकायला नाही जाणार?'' त्याने विचारले.

''नाही, माझं शिक्षण पुरं झालं. आता त्या शिक्षणाचा पहिला प्रयोग तुझ्यावर महिना दोन महिन्यांत तुझं वजन वाढलं पाहिजे.'' ती म्हणाली.

''तुझ्या हातचं जेवण मिळेल तर दोन दिवसांत वाढेल वजन. तुझं दर्शन होत जाईल तर भराभर वाढेल वजन. शांते, मी केव्हाच मेलो असतो. परंतु कसा जगलो माहीत आहे?'' त्याने विचारले.

''कसा बरं?'' त्याने विचारले.

त्याने शांतेचा फोटो उशाशी होता, तो बाहेर काढला.

''या फोटोनं मला वाचविलं. मी तो उशाशी ठेवतो, हृदयाशी धरतो.'' तो म्हणाला.

क्रांती

पांडुरंग सदाशिव साने
Chapters
क्रांती 1 क्रांती 2 क्रांती 3 क्रांती 4 क्रांती 5 क्रांती 6 क्रांती 7 क्रांती 8 क्रांती 9 क्रांती 10 क्रांती 11 क्रांती 12 क्रांती 13 क्रांती 14 क्रांती 15 क्रांती 16 क्रांती 17 क्रांती 18 क्रांती 19 क्रांती 20 क्रांती 21 क्रांती 22 क्रांती 23 क्रांती 24 क्रांती 25 क्रांती 26 क्रांती 27 क्रांती 28 क्रांती 29 क्रांती 30 क्रांती 31 क्रांती 32 क्रांती 33 क्रांती 34 क्रांती 35 क्रांती 36 क्रांती 37 क्रांती 38 क्रांती 39 क्रांती 40 क्रांती 41 क्रांती 42 क्रांती 43 क्रांती 44 क्रांती 45 क्रांती 46 क्रांती 47 क्रांती 48 क्रांती 49 क्रांती 50 क्रांती 51 क्रांती 52 क्रांती 53 क्रांती 54 क्रांती 55 क्रांती 56 क्रांती 57 क्रांती 58 क्रांती 59 क्रांती 60 क्रांती 61 क्रांती 62 क्रांती 63 क्रांती 64 क्रांती 65 क्रांती 66 क्रांती 67 क्रांती 68 क्रांती 69 क्रांती 70 क्रांती 71 क्रांती 72 क्रांती 73 क्रांती 74 क्रांती 75 क्रांती 76 क्रांती 77 क्रांती 78 क्रांती 79 क्रांती 80 क्रांती 81 क्रांती 82 क्रांती 83 क्रांती 84 क्रांती 85 क्रांती 86 क्रांती 87 क्रांती 88 क्रांती 89 क्रांती 90 क्रांती 91 क्रांती 92 क्रांती 93 क्रांती 94 क्रांती 95 क्रांती 96 क्रांती 97 क्रांती 98 क्रांती 99 क्रांती 100 क्रांती 101 क्रांती 102 क्रांती 103 क्रांती 104 क्रांती 105 क्रांती 106 क्रांती 107 क्रांती 108 क्रांती 109 क्रांती 110 क्रांती 111 क्रांती 112 क्रांती 113 क्रांती 114 क्रांती 115 क्रांती 116 क्रांती 117 क्रांती 118 क्रांती 119 क्रांती 120 क्रांती 121 क्रांती 122 क्रांती 123 क्रांती 124 क्रांती 125 क्रांती 126 क्रांती 127 क्रांती 128 क्रांती 129 क्रांती 130 क्रांती 131 क्रांती 132 क्रांती 133 क्रांती 134 क्रांती 135 क्रांती 136 क्रांती 137 क्रांती 138 क्रांती 139 क्रांती 140 क्रांती 141 क्रांती 142 क्रांती 143 क्रांती 144 क्रांती 145 क्रांती 146 क्रांती 147 क्रांती 148 क्रांती 149 क्रांती 150 क्रांती 151 क्रांती 152 क्रांती 153 क्रांती 154 क्रांती 155 क्रांती 156 क्रांती 157 क्रांती 158 क्रांती 159 क्रांती 160 क्रांती 161 क्रांती 162 क्रांती 163 क्रांती 164 क्रांती 165 क्रांती 166 क्रांती 167 क्रांती 168 क्रांती 169 क्रांती 170 क्रांती 171 क्रांती 172 क्रांती 173