Get it on Google Play
Download on the App Store

आजारी सिंह आणि कोल्हा

एकदा एका सिंहाने अशी बातमी पसरवली की, आपण आजारी आहोत व जे प्राणी समाचाराला येतील ते प्राणी माझे मित्र आहेत असे समजेन. हे ऐकताच कोल्ह्याशिवाय सगळेजण सिंहाच्या समाचाराला आले. कोल्हा आला नाही असे पाहताच तो न येण्याचे कारण काय, याची चौकशी करण्यासाठी सिंहाने लांडग्यास पाठविले. तेव्हा लांडगा कोल्ह्यास म्हणाला, ' अरे, तू इतका निर्दय कशानं झालास ? सगळेजण महाराजांच्या समाचाराला गेले असता, तुझ्यानं राहवलं तरी कसं ?' त्यावर कोल्हा म्हणाला, 'लांडगेदादा, सिंहोबाला माझा नमस्कार सांगा नि माझी एक विनंती त्यांना कळवा की, माझी निष्ठा महाराजांच्या पायी पूर्वीइतकीच आहे अन् ती पुढेही कायम राहील. आपल्या आजाराची बातमी ऐकताच आपल्या समाचाराला यावं असं मला वाटतं, पण काय करावं ? महाराजांची गुहा दिसली की मला भीती वाटते. कारण जे प्राणी महाराजांच्या समाचाराला गेले ते सुरक्षितपणे परत आलेले मी अजून तरी पाहिले नाहीत.'

तात्पर्य

- एखादा माणूस काही तरी मतलबाने एखादी अफवा पिकवितो, ती एकाएकी खरी मानून त्या माणसाच्या कटात सापडणे मूर्खपणाचे होय.

इसापनीती कथा ३०१ ते ३५०

इसाप
Chapters
कोळी व माकड कोल्हा व सिंह कोल्हा आणि बोका किडा आणि त्याचे पोर गाढव व त्याचा मालक बोकड आणि फुलझाड जेवायला गेलेला बोका भिकारी आणि त्याचा कुत्रा बकरे, मेंढे आणि लांडगे आंधळा व लांडग्याचे पोर आजारी सिंह आणि कोल्हा गरुड पक्षीण, मांजर व डुक्करी बोकड आणि बैल शेतकरी आणि कोल्हा जाळ्यात सापडलेला रेशमाचा किडा मुलगा आणि पोपट तरुण पुरुष आणि कोकीळ ससा आणि शिंगे इसाप व कोंबडी सरडा माशा, मधमाशा व गांधिलमाशी लढाऊ कोंबडे व बदके वाघ आणि कुत्रा कोल्हा व कोंबडा मधमाशी आणि कोकिळा गरुड, डोमकावळा आणि घार गरुडाचे सौंदर्य सिंह, गाढव व ससे दोन कोल्हे माणूस व गाढव उंदीर आणि मांजर पोपट आणि पिंजरा कंजूस माणूस व पोपट मेंढीचे कातडे पांघरलेला लांडगा म्हातारा आणि पोपट दोन प्रवासी आणि गाढव नाचणारी माकडे आंधळी मेंढी कुत्रा आणि मांजर कोल्हा आणि लांडगा डौली घुबड अस्वल व कोंबड्या कोंबड्या व पेंढ्या भरलेला कोल्हा गरुड आणि ससा मासे व कोळी मधमाशी व कोळी बेडूक व मधमाशी रोगाची साथ आणि प्राण्यांची सभा एक पोपट व त्याचा पिंजरा भुंगा व चिमणी