Get it on Google Play
Download on the App Store

जेवायला गेलेला बोका

एका माणसाने दुसर्‍या एका माणसास आपल्या घरी जेवायला बोलाविले. त्यासंबंधी तयारी चाललेली पाहून त्या घरच्या बोक्याने विचार केला की, आपण फार दिवस आपल्या मित्राला जेवायला बोलावणार होतो, त्याला आजची संधी चांगली आहे. मग त्याने आपल्या मित्राला जेवणाचे आमंत्रण दिले. त्याप्रमाणे ठरल्या वेळी त्याचा मित्र तेथे आला अणि प्रथम स्वयंपाकघरात गेला. तेथे अनेक प्रकारची पक्वान्ने तयार करून ठेवली होती, ती पाहून त्याच्या तोंडाला पाणी सुटले. मग त्या पक्वान्नांकडे पाहात तो आपल्या मनात म्हणाला, 'असलं सुग्रास अन्न ईश्वराच्या कृपेनं आज प्राप्त झालं आहे, तर त्यावर असा हात मारून घ्यावा की पुन्हा निदान आठ दिवस तरी जेवणाची आठवण होऊ नये.' याप्रमाणे मनात विचार करीत व शेपटी हालवीत तो उभा आहे इतक्यात स्वैपाक्याची नजर त्याच्याकडे गेली व त्याने हळून मागून येऊन त्याचे मागचे दोन पाय धरून त्याला खिडकीतून बाहेर फेकून दिले. खाली असलेल्या दगडावर बोक्याचे डोके आपटून त्याला फार लागल्याने तो मोठमोठ्याने ओरडत गल्लीतून पळत असता, दुसरी काही मांजरे त्याच्याजवळ आली व त्याला विचारू लागली, 'अहो, आज तुम्हाला जेवणाचं आमंत्रण होतं, तिथला बेत कसा काय होता?' बोका त्यावर म्हणाला, 'मित्रांनो, जेवणाचा बेत किती चांगला होता म्हणून सांगू ? असं जेवण मी माझ्या जन्मात कधी जेवलो नाही. पण झालं काय की, बासुंदीपुरीचं जेवण एवढं झालं की, एक पाऊल चालणं मुश्किल झालं, अन् तोल जाऊन खिडकीतून मी एकदम खाली रस्त्यावरच पडलो.'

तात्पर्य

- मालकाच्या घरच्या मेजवानीत नोकराने आपल्या मित्रास आमंत्रण मूर्खपणाचे होय.

इसापनीती कथा ३०१ ते ३५०

इसाप
Chapters
कोळी व माकड कोल्हा व सिंह कोल्हा आणि बोका किडा आणि त्याचे पोर गाढव व त्याचा मालक बोकड आणि फुलझाड जेवायला गेलेला बोका भिकारी आणि त्याचा कुत्रा बकरे, मेंढे आणि लांडगे आंधळा व लांडग्याचे पोर आजारी सिंह आणि कोल्हा गरुड पक्षीण, मांजर व डुक्करी बोकड आणि बैल शेतकरी आणि कोल्हा जाळ्यात सापडलेला रेशमाचा किडा मुलगा आणि पोपट तरुण पुरुष आणि कोकीळ ससा आणि शिंगे इसाप व कोंबडी सरडा माशा, मधमाशा व गांधिलमाशी लढाऊ कोंबडे व बदके वाघ आणि कुत्रा कोल्हा व कोंबडा मधमाशी आणि कोकिळा गरुड, डोमकावळा आणि घार गरुडाचे सौंदर्य सिंह, गाढव व ससे दोन कोल्हे माणूस व गाढव उंदीर आणि मांजर पोपट आणि पिंजरा कंजूस माणूस व पोपट मेंढीचे कातडे पांघरलेला लांडगा म्हातारा आणि पोपट दोन प्रवासी आणि गाढव नाचणारी माकडे आंधळी मेंढी कुत्रा आणि मांजर कोल्हा आणि लांडगा डौली घुबड अस्वल व कोंबड्या कोंबड्या व पेंढ्या भरलेला कोल्हा गरुड आणि ससा मासे व कोळी मधमाशी व कोळी बेडूक व मधमाशी रोगाची साथ आणि प्राण्यांची सभा एक पोपट व त्याचा पिंजरा भुंगा व चिमणी